各位魔物獵人都知道黎緊會有一個大更新，但係唔知你地知唔知道當中既大更新到底係會更新啲咩野呢！相信對新玩家黎講都會係個痛苦既過程，又要追主線，又要追活動，真係要好好加油繼續肝落去！
全新魔物
依一次大型更新增添左唔少魔物，就例如焰狐龍，佢係泡狐龍的稀少種個體，最識得利用身體既滑液滑行，之後再用泡沫將獵物步步進逼，攻擊時會以白色火焰包覆身體，之後以猛烈攻擊將附近一帶變成火海；棘茶龍，雖然只有受到強力既攻擊先會醒，但佢既吐息帶有連武具都可以腐蝕的強酸同毒素。另外，仲有傀異克服霞龍係一條成功克服傀異化的古龍，大家記得更新完可以去探下佢！
傀異調查任務
黎緊將會開放傀異任務的EX★6！係EX★6，你會見到黑蝕龍、棘龍、爆鱗龍、熾妃蜘蛛同埋金獅子。另外，「傀異探究任務」的等級上限將會提高到120lv。各位獵人記得要打齊「傀異任務」同「傀異探究任務」去獲得新既素材，用黎強化裝備！唔係既話去到後期可能會打唔過，而係武器既傀異鑲嵌都會擴充，強化項目都會開放新的等級，不過記得今次既更新就唔包括防具既傀異強化。
新外觀武器
大家記得要係加工店到生產外觀武器，用你最中意既組合去狩獵魔物！而依一次更新會追加外觀武器「失落代碼」14武器種。當你拎出黎既時候，仲會有巧妙的機關，對外觀黎講係一個十分講究既設計！當然唔好唔記得仲有一部分係付費下載內容，包括變身外觀裝備、外觀武器、獵人和隨從的外觀裝備等，記得更新完要去返「Nintendo eShop」或「Steam商店」睇下！