《2021香港小姐競選》今日進行首輪面試，作為年度選美盛事，當然就備受關注啦，一班報名嘅佳麗到達電視城之後，除低口罩現出真身，面見咁多位觀眾朋友，大多數佳麗都以連身裙華麗登場，亦都有唔少美女打扮充滿個人風格，佢地務求先聲奪人，留低好印象，小編精選十大心水美女，睇吓小編嘅心水會唔會啱你品味呢！
[the_ad_placement id=”ad2″]
第十位：跳樓飛人關禮傑囡囡
關禮傑個囡囡關楓盈，唔知爸爸有無過返佢兩招，等佢才藝表演可以示範世界級跳樓，我諗觀眾都應該想重溫下經典，唔使下下都唱歌跳舞咁悶嘛！第九位：延禧攻略魏瓔珞？
平平無奇，樣貌太過大眾美女，小編不予置評。第八位：越南混血美女誠意滿分
小編成日都唔明咩係健康性感，健康就健康，性感就性感啦，咁究竟咩係健康性感呢，今日睇完呢個佳麗終於明白。成個人溫文爾雅，個笑容又甜又鞠晒躬，正所謂禮多人不怪，成個感覺俾人斯文大方。身材又Fit，中門大開加埋個鎖骨夠晒誠意。第七位：純情學生妹
點解咁多男人鍾意學生妹，無他嘅，你食豬肉都鍾意食乳豬啦，卜卜脆又夠嫩口，耶～～～～～第六位：低配版嘉欣BB
嘉欣BB結婚，專心相夫教子之後，令唔少粉絲心都碎埋，不過唔緊要，呢位Michelle都有幾分似嘉欣BB，又係加拿大回流返香港，會唔會係今次嘅一匹黑馬呢。第五位：ABC港女
香港作為多元文化嘅社會，唔選返個外國風嘅美女入選，好似顯得小編太偏心咁。Well Actually 呢位佳麗一頭Dip dye髮色，加上小麥色肌膚，同白色衣著配搭下，成個畫面嘅顏色好有衝擊感，加上撥一撥秀髮，成個ABC女神氣質出晒嚟！第四位：白衣飄飄美少女
一個十七歲，啱啱中學畢業嘅女仔，敢於面對群眾，仲散發住自信嘅氣息，勁啊，令小編諗返起以前中學grad din，第一次著老西嘅日子，唔知佢遲下grad din又會唔會著返呢條裙呢！第三位：鄰家小女孩
小編私心之選，喺呢個年度選美盛事，一眾美女爭妍鬥豔嘅地方，竟然有女仔保持自我，展現自己最真實自然嘅一面，笑容如此可掬，面對鏡頭，雙手唔知擺放邊到，咁pure同ture嘅女仔，真係我見猶憐…第二位：熱情的沙漠
纖纖嘅肉體，配合火辣熱情奔放嘅連身裙，就好似久旱逢甘露，沙漠中嘅一點雨水咁，正能量滿分啊！第一位：貴氣little women
冠軍之選，夏日低胸長裙，微微捲曲嘅髮型，象徵公主嘅小皇冠，珍珠手鏈，舉手投足同笑容都充滿自信，加上微微露出雙下巴，展現滿滿嘅福氣同貴氣，小編心中NO.1🤩🤩🤩【名額有限，未能入選小編十大心水推介嘅佳麗，唔好灰心，2022再見👋！】
完～～～
[the_ad_placement id=”ad2″]