依個聖誕節，人氣繪本角色Miffy將會由荷蘭黎到黃埔天地，為大家帶黎「冬日童話小鎮」。，當中會有巨型拱門和不同顏色Miffy，巨型荷蘭風車以及冬日繽紛燈飾，唔理係大人定小朋友都可以去打卡！
打卡場景
Miffy今次為大家帶黎聖誕夢幻王國。當中用到Miffy故鄉既荷蘭風格建築，當中鮮艷橙色組裝成精美拱門，兩旁既荷蘭著名風車裝置加上Miffy，以及四周佈滿燈飾同聖誕裝飾既童話式聖誕樹，令人就算身處係香港都好似去左北歐既聖誕節一樣，場面帶俾大家滿滿既童話以及夢幻感！
除左上面講既場景，Miffy仲帶黎左其他景點，等大家可以過一個難忘既聖誕節！色彩繽紛既Miffy聖誕夢幻列車上面印有Miffy既肖像燈飾，以及歡樂既橙色且帶北歐風既列車車身。同時，Miffy將會親自擔任車長既職位，帶領咁多位前黎探望Miffy既各位走入童話王國，而車前更加設有童趣聖誕樹以及星星燈飾裝飾，增添聖誕節既氣氛！
現場仲會設置Miffy照相區，大家想同Miffy影相既唔需要擔心。係Miffy聖誕夢幻列車上有Smile With Miffy照相區。當中除左會見到Miffy，仲有機會同Miffy既一班好友互動以及影相。如果大家都想係依個假期探一探Miffy，可以係2022年11月15日至2023年1月2日期間上聚寶坊的Miffy聖誕夢幻列車並使用Smile With Miffy照相機去同Miffy影相。而影相段亦可以用手機掃描二維碼下載照片，等大家留返個紀念，中意Miffy既你一定唔可以錯過！