相信大家都係今次既更新短片之中，搶先見到新推出既冰呪龍以及天彗龍（傀異克服）。除此之外，遊戲仲有其他更新，就好似傀異調查任務追加至EX★8，有更強大既魔物係到等緊大家，大家記得做好應戰準備！
追加魔物
第一隻就係能夠凍結萬物既古龍 — 冰呪龍，官方對於冰呪龍既紀錄極為稀少，所以佢既生態仍充滿謎團。目前淨係知道佢可以操控寒氣，藉由噴出極度低溫既吐息，係空無一物既空間造出巨大冰柱和冰牆，威力亦相當驚人，足以凍結大型魔物。甚至有人曾經見過冰呪龍凍結翼龍，但動機仍然不明。「冰呪龍」既任務需達到 MR10 或以上方可承接。
另一隻就係天彗龍（傀異克服）。繼霞龍、鋼龍、炎王龍後，天彗龍亦成功克服左噬生蟲引發既失控，從而得到了強大力量，身體表面亦因此浮現令人毛骨悚然既紋路。龐大龍氣能量，極為敏捷既身手，加上驍悍至極既龍氣爆發，大家去挑戰既時候都記得小心。「天彗龍（傀異克服）」既任務則需要達到 MR160 或以上方可承接。
傀異調查任務
更新後，傀異任務將會追加 EX★8，亦可以挑戰「混沌黑蝕龍」等傀異化魔物，大家亦可以去挑戰一下依個高難度既任務，但係要傀異研究等級達到 Lv211 或以上先會開放傀異任務【EX★8】。
同時，傀異探究任務既等級上限將會開放至 Lv220，可以同更具緊張感既魔物對戰之餘，大家仲可以拎到新既傀異素材，拎完唔好唔記得用黎提升武器傀異鍊成的各強化項目等級！小小提醒，Lv111 或以上既任務，將會出現傀異克服既古龍魔物。
活動任務
而今次亦都會追加能夠獲得特別報酬既活動任務。可以獲得外觀裝備及各種各樣通關報酬既活動任務亦都定期發佈中。活動任務發佈後，大家可以到遊戲內郵差取得並到任務櫃台承接。
付費追加內容
大家除左可以變身為 CAPCOM 官方網站及 SNS 上，說明狩獵技術相關的「狩獵指南書」中登場角色，亦可以變身為指南書畫家既集會所接待員水藝之變身外觀裝備，包括：「魔勿獵仁系列」、「百龍夜杏系列」、「小枸系列」、「小苗系列」，以及「水藝系列」