「龍城名物館」作為全港第一個社區商貿元宇宙，今日起正式對外開放。當中運用左唔同既元宇宙概念去增強市民體驗，亦唔需要安裝任何手機程式，網頁瀏覽器登陸即可，相信會吸引唔少市民！
永續九龍城特色店舖
九龍城區重建之後，唔同既特色店舖將會被消失，不過係元宇宙之中，區內十二間特色小店將會變為名物虛擬店舖，等大家往後既日子都可以細品。其中包括《義香豆腐食品》、《清真牛肉館》、《添財記》、《貴嶼仔和記隆》、《大和堂》、《利瑞刀莊》、《金利隆眼鏡》、《廣昇鞋家》、《張榮記蝦子麵》、《照成號》以及《李祺鏡莊》。
虛擬化店主
係「龍城名物館」之中，市民可以更加全面地了解更多特色小店既故事。無論係店舖單一名物，材料，製作方法，以及背後鮮為人知既故事都可以探究。同時，每家小店既店主將會虛擬化，並講出小店既歷史故事，突顯區內獨有既人情味之餘，仲可以等市民更加深入地去了解。
元宇宙換取現金券
現時只要登入「龍城名物館」並集齊五個金幣，就可以獲得一張大和堂港幣 $15現金券。大和堂除左有本黎既特色美食，因應「龍城名物館」既推出，大和堂介特別用左《張榮記》以及《貴嶼仔和記隆》既馳名產品去製造出三款主題美食，分別係「有蝦嘅蝦籽麵」，「鴨頸糖雪糕咖啡」以及「花生糖鮮奶咖啡」。由即日起至12月31日，憑券到大和堂惠顧三款主題美食即可享用折扣。
線上即時對話
遊覽「龍城名物館」既同時，市民唔單止可以同其他用戶文字對話聊天，仲可以同現場其他用家語音聊天，並交流心得。而為左摸擬出最真實既情況，只有靠近其他用家既時候先可以聽到對方講野。
cv 直播活動
今日，「龍城名物館」首次進行直播活動，等大家可以聽到九龍城民政事務專員蔡敏君係香港中文大學酒店及旅遊管理學院既演講，更加得到「SDG World Record」計劃頒發證書，可見係不久既將來，元宇宙或會成為一大趨勢。