上環西街由即日起至3月19日，將會轉變為打卡勝地，藝術空間Major Pop將會帶黎一班黎自唔同界別既女性藝術家，並以唔同既活動以及作品，向大眾展現出女性既溫柔力量，並等大家有個放鬆既空間！
活動背景
《二月溫柔》藝術節Tendre Février將會邀請唔同創作界別既女性藝術家，一同舉行一系列既展覽、工作坊及分享會。活動策展人暨Major Pop創辦人鄺敏慧（Flora）表示：「我地平日生活太忙碌，每天要接受海量的資訊，對身邊很多東西都無瑕細味欣賞，希望藉住今次既機會，等大家可以『停一停、抖一抖』，細味生活既變化與趣味，並從中得到快樂與安慰。」
《二月溫柔》藝術節Tendre Février為期達五星期，有展覽，亦有工作坊、音樂及藝術分享會，除左為本地藝術家提供發表作品既場地及機會，更希望向大眾介紹不同媒介既創作。而十位參加既女性藝術家分別為女畫家Wing M、Lomography女攝影師及音樂創作歌手Gwenji、女作家及音樂人Constance、多媒體藝術家Ah b.、藝術創作者DD Yung、攝影師Cathy Kawai、本地發酵茶「大杯茶」品牌創辦人Pat及Lisa、西餐廳主廚暨本地農夫Ling，以及創作歌手及音頻治療師Jocelyn。
到時候，十位藝術家將會以畫作、書籍、勾織創作、攝影、手辦模型、發酵茶製作、音樂分享會及音頻工作坊等，用溫柔並多姿多采既力量，為大家忙碌既生活慢落黎，欣賞一下周圍既事物。
特別嘉賓
今次《二月溫柔 Tendre Février》藝術節更加邀請左一向被喻為城市鄉謠歌曲既林一峰擔任特別嘉賓，為大家帶黎音樂既溫柔。林一峰講到：「我覺得最懂得欣賞女性溫柔就係男士，我們是最大的得益者！香港生活的節奏十分急速，我們真的很需要這種溫柔的力量，告訴我們生活真的不用太急趕，身邊其實有很多好玩的東西，是一個非常有意義的活動。」林一峰亦十分期待今次既活動可以激發更多有趣既創作靈感！
除左林一峰，《二月溫柔》藝術節Tendre Février亦得到法國時裝品牌agnès b.全力支持。agnès b. 會係今次藝術節中送出品牌經典開襟外套系列及Voyage手袋系列，等多位女性藝術家作拍攝造型之用，女藝術家們仲可以隨意挑選喜愛既款式及顏色，展現最自信一面！此外，agnès b. 更贊助是次藝術節既宣傳及推廣，可以話係全力支持本地藝術發展！