依家實施緊「0+3」，相信大家都計劃緊要幾時出國去返次旅行。想旅行又唔想洗錢既你，唔理你有冇運氣都一定要記得參加領展最新既抽獎活動，話唔定最後可以幫你省返一筆機票錢！
抽獎活動
想參加既各位只需要登記成為領展會員，並係領展旗下既商場單日以電子貨幣消費滿300元或以上，憑同一商場不同商戶發出既正本發票（最多2張）去參加。由於係「好想 好賞 中大獎」活動之中，會員參加「即抽即中獎」既話，就會自動參加「終極大抽獎」，所以可以同時獲得「即抽即中獎」及「終極大抽獎」機會各兩次。如果單日以電子貨幣消費滿500元或以上，就會變成「即抽即中獎」及「終極大抽獎」各三次。活動淨係去到2022年10月23日，並於10月27日進行抽獎，11月1日公布得獎名單，有興趣既朋友仔記得唔好錯過！
獎品事項
有抽獎又點會少得獎品！首先講下「即抽即中獎」，當中既獎品超過10萬份，應有盡有！其中包括中式酒樓餐飲現金券、室內遊樂場代幣券、健身室月費卡，以及現金優惠券，等大家想玩就玩，想買就買。而另一個重頭戲「終極大抽獎」，頭獎係價值10萬元既旅遊禮券大獎，目的地仲要係任選，想去邊就去邊！唔知大家計畫好去邊到未呢！抽唔中頭獎都唔緊要，當中仲有總值超過20萬元既電器禮券、家品傢俬禮券、健康食品禮券以及時尚廚房電器套裝，個個獎品都咁豐富，大家記得把握機會係23號之前參加！