慈雲山中心成日都會有特色主題活動，又點少得今次聖誕！黎緊聖誕節，慈雲山中心將會聯手卡樂B既人氣經典角色Potta為大家帶黎一個「Jagabee 魔法『卡』年華」，展開一場精彩既魔法之旅！
聖誕魔法之旅
依次既魔法之旅，大家不妨由5樓既神奇魔法書開始，拎完魔法手冊之後，大家都可以去商場內各個樓層既魔法能量站收集魔法印章。唔同既魔法能量站仲可以幫助大家去提升「想像力」、「好奇心」、「分享」、「愛心」、「知識」、「智慧」、「力量」、「快樂」、「創造力」及「信念」。只要集齊五個魔法印章，就可以換取魔法卡一張；滿 10 個魔法印章，更加可以換取商戶優惠券及 Jagabee 滋味薯條！同時，係指定商戶選購精選魔法推介產品或享用推介美食，一樣可以得到魔法卡一張。憑魔法卡即可玩魔法限定遊戲，贏取總值近 10 萬元禮品！
玩完5樓，大家都可以去到7樓既空中花園到玩下！唔同既限定「『卡』年華」遊戲都係到等緊大家！其中包括：「魔法拼拼樂」、「魔力尋法寶」、「擲出新魔法」及「神奇魔法圈」，透過玩遊戲去收集魔法印章及贏取禮物。除此之外，大家亦可以參加魔法工作坊製作獨一無二的聖誕小屋或裝飾，或者參加環保薯片袋工作坊，用乾淨既薯片袋，升級改造成實用既收納袋！
夢幻星光隧道
同時間，7樓既空中花園亦會設有超過78平方米既巨型魔法陣，特別係夜幕下亮起之後，成個場景更加變得十分之夢幻！而當中超過20米長既星光隧道更加為空中花園注滿閃爍色彩，加上場景中既魔法帽以及祝福語燈牌，演變成一個啱曬大家黎打卡既好地方！
獨家Potta精品
大家即日起至2023年1月15日係任何連續七天內，係慈雲山中心以電子貨幣累積淨消費滿 1,800 元或以上，就可以免費換領「魔法綿綿珊瑚絨被」一張；滿 800 元或以上，仲可以免費換領 「Potta 魔法再生物料環保袋」一個。先到先得，換完即止。當然唔少得「Jagabee 魔法『卡』年華」手機貼圖，大家都可以免費下載黎用下！
Potta見面會
而係 12 月 24 日及 2023 年 1 月 2 日，Jagabee Potta更加會以魔法師造型係慈雲山中心 5 樓及 7 樓同大家交流魔法心得，與大家分享絕密秘技，一齊黎陪大家去迎接新既一年！