新年點都講到麻雀，咁啱係黃大仙中心北館將會有一連串既麻雀活動，當中除左睇，仲有得玩，真係冇理由唔去試一試自已既甩牌技術！話唔定原來你既甩牌技術同其他人比起黎都唔錯！當然唔好唔記得打卡！      

「麻雀美藝」展覽

黃大仙中心北館一樓將會有「麻雀美藝」展覽，當中更有4個展區供大家參觀。由本地碩果僅存既手雕麻雀工匠張誠忠師傅及插畫師女兒Karen Aruba成立既「麻雀獻藝」，等大家可以見到最細緻既麻雀工藝。同時，大家亦可以透過欣賞跨年代以不同物料所製成既麻雀珍品及相片，去了解麻雀既演變歷史，以及筒、索、萬、番子及八款花牌既統一配置。

展覽之中除左會有大家玩開既「廣東牌」，亦會有動物牌既「馬來西亞麻雀」、十六隻百搭牌既「越南麻雀」、八隻Joker牌既「美國麻雀」，以及加入寶牌玩法既「日本麻雀」等，大家從中亦可以了解更加多唔同既麻雀文化，會場更加會展出製作麻雀的器具及機械相片，等大家可以認識更多由打磨至雕刻既製作工序，從而對麻雀有更深入既認識！

新年活動

由2022年12月30日2023年2月5日，黃大仙中心北館將會係現場設置3米高既巨型立體麻雀，等各位「雀」友可以盡情同自已既心愛既麻雀一齊黎影返幾張相！話唔定圍住依個打卡點行完一次之後，新一年打麻雀想點嬴就點嬴！

同時，大家都可以去到「雀祝傳情」既WhatsApp手機貼圖製作站，以個人頭像配上自由挑選既吉祥語句及相框，製作成滿載祝福既WhatsApp貼圖揮春，以心意換取祝福，仲可以share貼圖俾朋友

而係新年前夕，黃大仙中心更聯乘商戶張小泉合辦「紙藝迎春：手工剪紙揮春工作坊」，等大家可以親手係做手藝得黎，做完之後又可以放置係屋企之中，為家居添置濃厚新春氣息！

係2022年1月22至25日，只要大家成為領展會員以及憑即日任何消費發票，就可以去玩下放置係黃大仙中心一樓既「新春Good Luck」遊戲，咁多位識甩牌技術就一定要黎試下！只要係指定時間甩出指定次序既「十三么」，就可以獲得「黃大仙中心 X 麻雀獻藝 尊貴麻雀套裝」，不過只有每日頭三位完成挑戰既領展會員先可以得到，唔知大家又會甩成點呢！