過完中秋，大家星期六日又唔知去邊好？唔知你又中唔中意食朱古力呢？啟田商場由今日起直到10月2日已經為大家準備左一連串朱古力展既活動！有時間又中意朱古力既你又點可以錯過！
「Kaka Choco Tour」旅程
Kaka到時候會先帶大家由「心情自動售賣機」行入去25 米長的「朱古力世界大道」。之後就會到達亞洲既朱古力魔法便利店「Choco Lab」買你想要既朱古力，買齊野就可以起程去下一站既充滿歐陸色彩既「Kai Tin Café」探究朱古力既起源歷史以及趣事。最後緊係要去「朱古力自由斟」到整返杯專屬的朱古力飲品，再到美式風情的戶外廣場同Kaka影返張合照作為留念。如果有幸係9月18日去，仲可以見到歌手陳健安（安仔）化身一日店長，為大家推介朱古力熱飲！
打卡勝地
商場當中仲會有一個兩座一米高朱古力藝術雕塑，被稱為Kaka的朱古力樂園。由曾獲多項國際獎項既朱古力藝術大師霍耀文帶領學員及畢業生一齊合作整出黎，場面相當震撼，記得黎打卡留念！
商場活動
啟田商場亦會係2022年9月16日至18日、9月24日至25日及9月27日至10月2日中午12時至晚上8時特設一個「朱古力特色市集」，接近30個攤檔每星期會販賣唔同國家既朱古力、手工藝品及精品擺設，仲會推出多款 Kaka主題限定產品，同時間仲可以去睇Kaka既朱古力樂園，等你甜到入心頭！另外，「乾果巧克力專家」、世界獲獎無數的台灣知名朱古力品牌Cona’s妮娜都會到場賣國際風味暨品質評鑑所的星級朱古力，機會難逄，大家記得買返個黎試下星級朱古力到底有幾好味！除左可以買野，唔同日期仲會有唔同既DIY活動，例如9月17日至18日中午12時至晚上8時會有「幻彩爆谷」、10月1日至2日中午12時至晚上8時會有「多重朱古力 Cupcake」。而9月24日至25日同樣時間會有「法式瑪德蓮蛋糕」DIY工作坊，等你地有個機會可以親手整返屬於你地既朱古力紀念品 。