今時今日，電磁爐已經成家居必備既用品之一。德國寶全新推出既座枱式電磁爐除左可以迎合你想追求簡約既需要，幫你節省屋企空間，更設有 10 段火力，等你想點煮，煮咩都冇難度！
極簡約風格主義
如果大家既家居風格係以簡約為主，咁今次德國寶座枱式電磁爐（HK$ 1,280）就啱曬你！厚度只有 6mm 超薄既方形機身設計，令佢可以垂直置放於狹窄位置，收納存放完全冇難度，等你用盡廚房每吋寶貴空間！
強大火力
電磁爐有高達 2,000W 既火力，即約 240 度高溫，食物均勻受熱之餘，電子溫度控制亦比氣體煮食更加穩定精準，輕輕鬆鬆就可以煮出鑊氣充足既小炒，高溫煎炸烹調美食都冇問題！當中採用 IH 電磁加熱技術，直接傳遞至導磁鍋幫助加熱，升溫速度快且熱量流失低，烹調產生既油煙亦較少，更令到廚房溫度較低更舒適，自由配搭鍋具如不鏽鋼、合金、鑄鐵鍋具等使用。
充滿彈性既火力選擇
電磁爐由 200W (60°C) 到 2,000W (240°C)，總共有 10 段火力俾大家調校，唔理係慢煮煲湯定係爆炒煎炸都得！同時更有 3 小時既定時模式，歡迎大家慢燉燜焗。
煮出最美味菜餚
電磁爐設有煎烤模式，專為烤煮煎炸而設，等大家可以更快更直接切換溫度與火力，煎炒出最佳口感！此外，購買電磁爐將會隨機附送白色連蓋烤盤，即使朋友上到黎，作為移動式廚房都絕對唔失禮，中式小炒、西式扒類、甚至係日式大板燒都可以輕鬆炮製！