今時今日既香港同以往有明顯既差別，當中更有眾多歷史文物難以尋覓，即使好奇都無跡可循。不過今次芝加哥大學香港校園將會同雲念文化藝術協會及 OldHKinColour 合作，為大家帶黎依段經典既香港歷史。
展覽詳情
由即日起至 5 月 15 日，芝加哥大學香港校園將會為大家呈獻「香港回憶：香港舊街景縮影及照片」展覽，藉由重現二十世紀香港建築既一磚一瓦，以及歷史文化，等大家了解更多關於以往既香港文化。今次芝加哥大學香港校園亦會同雲念文化藝術協會以及 OldHKinColour 合作，係展覽當中公開展示 1960 年代建築微縮模型，以及人工智能增色既 20 世紀舊照片。
如果大家對以往既香港文化有興趣，想目睹一番，亦可以於預約日期到香港賽馬會芝加哥大學文物庭院及展示中心，一般訪客可以按此預約，而團隊訪客就可以聯絡 heritage_enquiry@uchicago.edu，每節參觀展覽時長為 45 分鐘，可供預約既日期為參觀日前 14 日內，而訪客則需要係來訪前最少兩個工作天進行預約。