周末想放鬆下但又唔知去邊到好？想搵個地方有得玩又有得食？咁就一定唔可以錯過以下山頂廣場全新打卡點既介紹，吃喝玩樂有齊曬得黎，話唔定仲可以為你同伴侶留下一個畢生難忘既回憶！
「山頂廣場玩樂套票」
由即日起，大家只要登記成為 hello 會員，就可以去到山頂廣場地下賓客服務台換領「山頂廣場玩樂套票」，價值高達港幣 500 元既指定商戶購物及餐飲電子優惠券，而且會員更加一星期可以換一次！對於新登記既 hello 會員，如果係第一次係恒隆商場手機應用程式成功登記其合資格交易，亦可得到 500 hello 積分及高達港幣 50 元商戶電子券！
山頂廣場一日遊
唔理有冇寵物，大家都可以去到廣場二樓至三樓既『萌寵玩樂「草」梯』到參觀下！當中長達五米既藝術階梯除左有玻璃天幕，等各位毛孩係陽光既照射下，變得更加可愛，唔理係貓定狗都有！而大家影相前都記得去 The Barkyard 幫寵物扮靚！事後亦可以同毛孩一齊去到 3 樓既「幻彩天幕」，留返個美好回憶！
山頂廣場亦為大家準備左兩大玩樂打卡主題館，包括：以全息投影同 4DX 體感技術既逼真特效經典桌遊大富翁「大富翁夢想世界」，以及IG-able，主打沉浸式光影體驗既「GoMuseum」，場內既光影藝術裝置，搭配上夢幻音樂節拍，將會為大家帶黎震撼視覺及聽覺體驗，而且「Go Museum」 更會定期同其他藝術團體合作舉行聯乘展覽，等大家次次去到都有全新驚喜！
中意運動既你，更加可以去唔同商鋪進行採購，其中包括：New Era 美國職業棒球大聯盟 MLB 帽、DAFU 百搭易襯既運動鞋或創意鞋款等等；各位女士更加可以到 Sasa 盡情選購各款護膚品及化妝品；文青們則強烈推薦到 DOMA Lifestyle 細選設計時尚又實用既家電及電子精品！
大家最後一定要去到三樓觀景台，係維港景色以及全新打卡主題區「幻彩天幕」影返一系列既靚相！無論係中午搭配風和日麗既自然景色，定日落搭配一片金黃色既雲海，都十分之浪漫，又有紀念價值，唔影就真係浪費曬！
講明玩全日，又點可以唔食野！山頂廣場亦有唔同既優質餐廳等緊大家，包括：可以同毛孩一齊去既足球珍藏館主題餐廳 Locker Room Zoom、賣新鮮水果茶既奈雪的茶、食到雞蛋仔或其他港式馳名小吃既城寨風味、黎自東京六本木既過江龍扒房 37 Steakhouse & Bar、意大利餐廳 Fiamma、英式印度菜 Rajasthan Rifles，都十分推薦大家去試下！