Google香港近日公佈左2022年度最佳排行榜，當中亦講述左唔同既獎項到底花落誰家，其中包括：最佳應用程式、最佳遊戲及由 Google Play 用戶投選的最受歡迎獎項，其中既幾款應用程式應十分值得大家去關注！
Book Morning!
作為Google Play香港2022年度最佳應用程式，Book Morning! 係一款趣味既鬧鐘應用程式，用戶每天早晨於指定時間熄掉鬧鐘可以解鎖5分鐘既故事內容，令到大家起身唔再係死氣沉沉，而係對故事抱有期望。同時，當中精彩獨特既故事內容亦成功以創新方式去培養出用戶早起既習慣，亦不愧登上Google Play 香港2022年度最佳應用程式。
Sleep Tracker – Sleep Recorder
而Sleep Tracker – Sleep Recorder則入選為年度最佳生活幫手應用程式，當中幫助用戶監察睡眠周期、記錄睡眠時產生既噪音以及為用戶度身訂造放鬆既背景音樂等多方面既功能，皆有效提升用戶既睡眠質素！而改善睡眠質素亦為各個用戶帶黎全新既生活境象！
Kilowatt 充電入油地圖 – 香港駕車資訊平台
Kilowatt 充電入油地圖 – 香港駕車資訊平台就透過為香港既道路駛者帶來最齊全既駕駛資訊，成為年度最佳生活幫手應用程式榮譽入圍獎得主。當中既駕駛資訊既十分實用，其中包括：全港電動車充電站地圖、充電站即時充電狀況資訊、入油折扣及優惠等等。
街頭角鬥士2：合作幻想清版街機!
港產手遊「街頭角鬥士2:合作幻想清版街機!」亦榮獲年度最佳獨立製作遊戲榮譽入圍獎。當中以香港特色「街機」為主題，為玩家帶來節奏明快既經典清版過關遊戲，唔理係單人挑戰定組隊合作都冇問題，等大家可以進行各自既挑戰之旅。
最佳遊戲
而係遊戲方面，Google Play 香港2022年度最佳遊戲由「Apex 英雄M」獲得，當中結合既英雄玩法、小隊競技、快節奏戰鬥既戰略射擊亦深受大家喜愛，亦成功引領出一股新潮流！而係用戶投票上，則由「賽馬娘Pretty Derby」拎到第一名既位置。