Google今個新年除左會一如既往係首頁推出兔年賀歲Doodle，將色彩耀眼既花朵圖案以傳統剪紙造型，以表達對大家新一年既祝福，更加搭配上唔同既功能，為大家既新年生活增添上唔少色彩！
Google相簿
大家今個新年都可以用Google相簿去製作個人化賀年照片，簡單拼貼最多6張拜年相片，等對方都感受到滿滿既祝福。而係今年，Google更加會同著名水彩畫家程瑶合作，設計出包含喜慶紅色及燈籠傳統新年元素既限定相框，等大家既日常生活都佈滿新年氣氛！
Google Lens
大家新年都一定會進行購物，行街買野又點少得格價呢！只要大家用Google Lens智慧鏡頭拍攝產品，產品資訊就會即刻呈現係眼前，令大家既買野過程更加完善。如果到外國旅遊，Google Lens既智慧鏡頭亦有翻譯功能，即時翻譯菜單、路牌及任何外語文字，等你人在外地都唔會受到語言不通既影響！
Google賀歲片
新年就緊係唔少得一家大細一齊睇賀歲片。Google為大家整合左過往多年受歡迎既賀年電影，大家可以係Google搜尋「農曆新年電影」參考清單，就大把選擇俾你揀，一齊邊睇邊開開心心過新年！
AR兔仔
Google每年都會以生肖專屬AR動物向大家拜年。而今個兔年，Google亦為大家準備左可愛活潑既AR兔仔。大家想搵佢出黎？只需要係支援ARCore既Android或iOS手機上透過 「Google搜尋」，輸入「兔」字（中英皆可），係顯示兔既資料中點選「以 3D 模式檢視」，就可以見到！大家可以將動物影像拖放至心水位置，亦可以用手指放大或縮小動物，最後緊係要影相留念！