Google情人節推出「穿山甲之戀」，學習各地浪漫文化！

今日就是情人節！今年，Google喺首頁特別推出咗又sweet又好玩嘅小遊戲「穿山甲之戀」，等大家可以玩遊戲過關斬將之餘，提升對穿山甲嘅認識同增強保育意識。穿山甲係全球盜獵最嚴重動物之一，可以透過Google Doodles嘅影片同世界自然基金會嘅網站了解更多。

同時，四款小遊戲分別參考世界各地嘅情人節文化，包括收集加納嘅可可豆製成蛋糕、學習印度情歌、中國絲帶舞同採集菲律賓嘅鮮花，協助穿山甲向情人示愛！除咗Google網頁版，手機版都可以玩到呢款咁特別嘅遊戲架！

立即前往https://www.google.com.hk/，學習不同地方文化。