要留住男人個心，就先要留住對方個胃，有位男士大呻女友近日愛上焗麵包，男友大讚整得好食之後，女友隨即整上癮，幾乎日日都整，整到男友唔使帶飯，仲俾同事取笑係咪冇錢開飯。
[the_ad_placement id=”ad2″]
女朋友愛上整麵包
網民在香港討論區上以「女朋友愛上整麵包……我早午晚3餐都係麵包餐……」為題發文，講到女友在疫情期間學整麵包：「學人整天然酵母麵包。其實佢整得幾好食，真心，真係幾好食，起碼唔似出面嘅空氣麵包咁。見佢由溝粉到搓粉整得咁辛苦，而又幾好食，咪讚下佢有天份囉。」
女友走火入魔
女友聽完男友讚賞之後，開始走火入魔，「買咗個靚焗爐，星期六日可以出到五六底，問題係佢自己完全唔食！！！！佢話就係焗比我食，所以拎晒比我……我就拎住五六條麵包企咗係度……」為了防止麵包變壞，男友於是「由呢個星期一開始，早午晚三要清一條麵包，所以呢期餐餐都麵包+清水做一餐」同事見到，就以為他經濟有問題，就問係咪未出糧冇錢食飯，需唔需要借錢。事主坦言日日食麵包確實省了成千蚊，不過就覺得有點難頂。
[the_ad_placement id=”ad2″]