九巴獨家廣告代理Asiaray及巴士光年由2022年11月17日起至12月19日將會舉行【Busz Together! 站．在一起 全城打氣】大型足球企劃，當中大家除左可以為自已心愛既球隊打氣，仲可以玩遊戲嬴得運動用品現金券！
彌敦道化身打氣街
大家黎緊係彌敦道放工等車返屋企睇波既時候，如果途經尖沙咀九龍酒店至旺角銀行中心，就會見到由【Busz Together! 站．在一起 全城打氣】設計既8個巨型打氣口號巴士站頂廣告。其中更以8支最受歡迎國家隊既國名用作設計打氣金句，就好似上屆冠軍隊「法國 發覺冇對手」、5次奪冠既傳統勁旅「巴西 巴巴閉」、從1954年開始未曾缺席決賽周既強隊「德國 得咗」等，各位球迷記得影相打卡，為自已既愛隊打氣！
打氣巴士遊覽香港
除左彌敦道，全港18區32支國家隊仲會有各自專屬既打氣口號，50輛打氣巴士日日都會有不同路線，遊走全港各個角落，等咁多區既球迷都可以見到各國既搞鬼打氣口號，為全部32支入圍國家隊伍熱血喝采！
2大限定線上足球遊戲
大會仲推出左「我最識波估冠軍有獎遊戲」及「Football Crush」，等大家邊睇世界盃邊玩！「我最識波估冠軍有獎遊戲」，大家如果估中2022世界盃冠軍花落誰家，就有機會獲贈HK$200運動用品購物現金券！截止日期為12月19日，大家睇下咁多隊既狀態再估都冇問題！係2023年1月6日或之前會以登記之電子郵件通知得獎者及領獎安排！
而「Football Crush」就係一款足球消消樂遊戲，遊戲當中亦有機會去俾你嬴取HK$200運動用品購物現金券，有興趣既你記得留意巴士車廂內既椅背，並掃瞄QR Code進入遊戲網頁，之後就可以進行你既足球狂熱之旅！