PlayStation 5遊戲《FINAL FANTASY XVI》今日公佈最終發售日期為2023年6月22日。雖然實體光碟版未公佈，但係由即日起已經開放預購數位下載版，有興趣既大家都可以睇完下面既遊戲背景以及角色介紹後衝去買！
遊戲背景
《FINAL FANTASY XVI》所講述既係一個走向末路的世界「伐利斯傑亞」。係「魆黑地帶」依個步步逼向既世界裹面，各國都想要產生乙太既源頭「母水晶」，更因此掀起戰亂，並派出寄宿著強大召喚獸力量既「顯化者」上戰場。而故事主角「克萊夫‧羅茲菲德」亦同身為召喚獸鳳凰顯化者既弟弟約書亞被捲入戰亂之中。過程中克萊夫將會知道世界真相，並立志要破壞母水晶，以斷絕水晶庇蔭。
角色介紹
克萊夫‧羅茲菲德，作為羅札利亞公國的第一王子，雖然係羅茲菲德大公家既嫡長子，但係就冇覺醒成鳳凰既顯化者，後黎克萊夫勤加鍛鍊劍術，並係御前比試中嬴得騎士稱號，成為鳳凰顯化者弟弟約書亞既守護者，獲賜予「鳳凰的祝福」以及使用其部分能力。但後黎同弟弟一樣被捲入戰亂中，化為一名復仇者去追查，卻引發左慘劇既神祕召喚獸「黑色伊弗利特」。
克萊夫既親弟弟約書亞‧羅茲菲德，同時為羅札利亞公國第二王子。約書亞只係得10歲，但就係身上寄宿著召喚獸鳳凰的顯化者。同其他貴族唔同，約書亞十分隨和，待人一視同仁，中意睇書多過武藝，並認為哥哥更適合有鳳凰寄宿而非體弱多病既自己，後黎都同哥哥克萊夫一樣被捲入悲劇之中。
吉兒‧渥瑞克，由小時候俾北部諸國交給羅札利亞做為和平證明開始，吉兒就同克萊夫、約書亞一齊長大，彼此情同手足。心地善良既個性亦令到吉兒經常關心克萊夫同約書亞，並成為佢地既知已，但後黎受到命運既捉弄，覺醒成召喚獸濕婆既顯化者。
托加爾係一隻狼，同吉兒一樣係大陸北部出身。當時克萊夫同約書亞既父親埃爾文係遠征北部時發現左同狼群走散既托加爾，並帶左佢返屋企飼養。幼年時期，托加爾成功係莫大悲劇中逃過一劫，後黎同克萊夫重逢，成為陪伴他走過嚴峻旅程既可靠夥伴。
希德法斯‧忒拉蒙，希德主張實現「任誰都能死得有尊嚴的地方」，率領組織保護遭到迫害既稟賦者以及受政治擺布既顯化者。同時佢亦從事著侵蝕大陸「魆黑地帶」相關研究，活動領域十分廣泛。而希德係召喚獸拉姆既顯化者，曾隸屬於渥魯德王國，並同貝妮迪妲似乎彼此認識。
商品介紹
FINAL FANTASY XVI 典藏版（HKD$2,780）包含：《FINAL FANTASY XVI》遊戲本篇（實體光碟版）、高品質精緻模型＜鳳凰 VS 伊弗利特＞、召喚獸浮雕胸章收藏組、特製美術鐵盒、世界地圖圖案布巾以及遊戲道具：武器「嗜血劍」。
而購買典藏版既玩家仲可以得到「數位迷你畫集」、「數位迷你原聲輯」同遊戲內道具：配件「學者眼鏡」（經驗值獲得量增加）。同時，典藏版既早鳥購入特典為遊戲內道具：武器「英勇之心」和配件「貓妖幸運墜飾」（遊戲內貨幣獲得量增加）。
FINAL FANTASY XVI 豪華版（HKD$798）包含：《FINAL FANTASY XVI》遊戲本篇（實體光碟版）、特製美術鐵盒、世界地圖圖案布巾，而豪華版亦有早鳥購入特典，同樣為遊戲道具武器「英勇之心」以及配件「貓妖幸運墜飾」。
FINAL FANTASY XVI Digital Deluxe Edition（HKD$698）包含：《FINAL FANTASY XVI》遊戲本篇（數位下載版）、數位迷你畫集、數位迷你原聲輯，而預購特典就會係遊戲道具配件「學者眼鏡」（經驗值獲得量增加）、武器「英勇之心」以及配件「貓妖幸運墜飾」（遊戲內貨幣獲得量增加）。
FINAL FANTASY XVI標準版（HKD$568），包含實體光碟版早鳥購入特典包（遊戲道具武器「英勇之心」、配件「貓妖幸運墜飾」（遊戲內貨幣獲得量增加）)以及數位下載版預購特典（遊戲道具：配件「學者眼鏡」（經驗值獲得量增加）、武器「英勇之心」以及件「貓妖幸運墜飾」（遊戲內貨幣獲得量增加））。