情人節必去熱點 多款景點活動助你升溫

過完新年，好快就會到情人節！今個2月，荃灣廣場將會同韓國著名設計團隊CIRCUS BOY BAND合作， 以粉紅色調打造出全新既春日開運花園，藉此祝願大家係情人節既時候都可以同另一半過得甜甜蜜蜜！

6大攤位遊戲

2月11日及12日係荃灣廣場L5空中樂園，將會有為左情人節專登準備既6大至Sweet攤位遊戲，咁多位戀人都可以一齊攜手挑戰6個又好玩又充滿寓意既有獎攤位遊戲。其中包括：「幸福許願陣」、「球球甜蜜」、「一心一意」、「『鎚』傳鎚到」、「心心相印」及「蜜運成功」，等大家增進感情既同時，又可以一齊贏到豐富獎品。The Point會員以電子貨幣消費滿$50及即場登記積分，就可以參加攤位遊戲，玩夠4個仲送HK$20商場時尚生活電子禮券！

情人節限定活動

而係2月5至11日，荃灣廣場亦都為大家準備左「氣球夢工場」及「情人節工作坊」，大家除左可以親手製作花花氣球於現場打卡之外，更加可以學習親手製作手工意粉、保鮮花香薰放濕機及布藝心意棒，為黎緊既情人節做好準備。

同時係2月14既晚上6點至8點，荃灣廣場更加邀請左Rex Music管弦樂團係L1中庭舉行情人節音樂匯演，等樂團為大家帶黎最甜蜜既氣氛。

2大打卡場景

首先黎講下既就係「甜蜜櫻花幻境森林」，當中360度都有桃花，大家仲可以同另一半傾住心事慢慢行，感受森林之中輕鬆寫意既氣氛，影返張充滿夢幻詩意既相！

另一個就係以粉紅色系燈飾，配上可愛度十足既愛心、甜品、獨角獸等霓虹燈幻化而成既「光影星之道」，當中亦都充滿住戀愛甜蜜既氛圍，最啱就係同另一半邊走邊打卡放閃！