韓國人氣高企既Esther Bunny將會係2023年1月6日至2月19日係LCX陪大家一齊過兔年！大家到時去完打卡點探Esther Bunny，唔好唔記得去會定期轉換既新春小攤檔睇下有咩賀年禮物可以買黎送俾人！
4大打卡點
首先我地會有一個「甜蜜常滿糖果盒」，Esther Bunny將會換上上韓國既傳統服飾迎接大家，打完招呼，更加有住顏色鮮豔又可愛既大型糖果全盒，等大家行埋去同大型糖果盒照返張合照！
而「美兔廚房」就可以俾大家見到Esther Bunny為左等黎到既各位都有美味既賀年佳餚，而係廚房忙個不停既模樣。大家除左可以係飯廳坐一陣，仲可以去到廚房參觀別具香港賀年特色既佈置，就好似炮杖裝飾以及揮春！
除此之外，大午亦可以去到Esther Bunny既「百變衣櫥」，等大家可以見到Esther Bunny瘋狂購物後既戰利品！同時，大家亦可以去到Esther Bunny既梳妝枱前面「扮靚靚」，以最靚既姿態迎接新一年！
拜訪完Esther Bunny既屋企之後，大家都可以去到附近既「鴻兔大展新春小檔」行下，每週會有唔同既攤檔，大家都可以睇下會唔會想買既賀年食品及精品，仲可以同玩緊旋轉木馬既Bunny合照，就連坐在長椅上打卡都冇問題！
精選小檔
而Xplus係唔同時期亦會有唔同既產品出售。由即日起，大家將會見到「花研草說」、「沁靈好物」以及「Celluver」。「花研草說」嚴選自世界各地既花材，等大家享受天然花果茶美味既同時，改善各種健康問題；「沁靈好物」會為大家搜羅及制作各種天然健康既產品；「Celluver」則以獨特低敏無刺激香氛美學，等大家都可以透過香氛係生活中散發獨特自信。
而由1月6日起，大家亦會係Xplus見到「官也媽媽」，當中糅合傳統做餅方法、創新研製技術及帶葡國色彩既創新包裝相信一定可以吸引到大家既注意！大家都可以留意下佢地唔同既優質澳門葡式餅點，包括唔同口味既杏仁餅及蟲仔餅等等。
而去到1月13日，「METZ Luxury Tea」都會係Xplus登場，「METZ Luxury Tea」一直以黎都致力發掘世界各地既優質茶葉，為大家提供高品質而健康既品茶體驗。每款茶葉配方都會由專業茶藝師精心調配，選用100%頂級天然材料，中意天然同環保既你記得唔好錯過！
精選送禮優惠
大家仲可以即場揀埋送俾親朋好友既禮物，其中包括：色彩繽紛又有香氣既LUSH招財貓泡泡浴芭（HK$110），為你打造美好既浸浴享受同時，更加為你帶黎幸運祝福；粉色既SNIDEL兔年限定針織外套（HK$1,300）充滿日韓可愛風及新春氣氛既My Fancy Handmade新年鈎花掛飾（HK$168）。
當然唔少得Lapzuk既【賀年福袋】（精油／香氛大豆蠟燭體驗裝4件套）（HK$108），當中包含充滿新年氣氛包裝既精油及香氛蠟燭，等大家屋企即使有客人黎都唔需要擔心香味問題，安安心心咁投入係新年喜氣洋洋既氣氛之中！
記得唔好錯過瑤柱臘味蘿蔔糕（創新麻辣味）（HK$268），由擅長炮製辛香惹味菜式並主理川菜餐廳祥仔辣辣既Ricky師傅整出黎，足料得黎又惹味！大家記得都買返個返屋企同一班親朋好友試下！早鳥優惠就會由即日起至2023年1月2日，只要大家購買三件以上，即可以享有85折！而FOODIE會員則可以尊享$23一盒！
限定賀年禮品
由2023年1月6日起，消費滿HK$1,200（最多3張即日發票），大家就可以換領LCX x Esther Bunny 限量版「甜蜜滿糖」利是封，當中更有「巧 Sweet」款以及「紫想甜蜜」款，每款備有八個利是封，三張貼紙；共有兩款顏色可供選擇，不過每人每次最多可換領共5張。
而如果大家單一消費滿HK$200，並讚好LCX Facebook或Instagram，則可以換領LCX x Esther Bunny 限量版「美兔迎新歲」揮春兩款之中既其中一款（「人比花嬌」款以及「迎兔接福」款），每人每次最多可換領共5張。
精彩活動
而係2023年1月22至24日既下午3至5點，LCX更加會有財神爺各大家派發「美兔迎新歲」揮春，每人限取一款，但需要先讚好LCX Facebook或Instagram。
而係新年過後，Esther Bunny更加會為各位帶黎「夢幻投影燈」，等大家係情人節之前就已經感受到滿滿既浪漫氣氛！到時大家只需要係LCX消費滿HK$2,500，就可以換領LCX x Esther Bunny「夢幻投影燈」一件。