由即日起至2023年1月2日，誠品準備左唔少既工作坊俾大家，等大家過聖誕之餘，仲可以係唔同既工作坊內整返唔同包含心思既禮物以及聖誕卡俾身邊既親朋好友，就算係整俾自已帶返屋企都冇問題！
聖誕DIY放題
首先會有【Be Likes – 咖啡渣苔玉盆景工作坊】：工作坊將會融合藝術創作，並以咖啡渣作為環保肥料，並以唔同形式呈現苔玉，等小朋友了解更多關於苔玉既同時，都可以整下手工，化為一個2動有趣既學習體驗！
之後場內亦會有【Art Storeroom Studio – 聖誕繞線繪畫工作坊】：繞線繪畫工作坊唔單止可以等咁多位參加者體驗繪畫及繞線手作既樂趣，仲只需要兩個小時就可以完成一份充滿溫度的聖誕裝飾品，帶返屋企又得，送俾人都得！
同場亦會有【忙忘工作室 – myosotis.flower聖誕花環工作坊】：唔理係手作迷你聖誕樹，聖誕花圈定係聖誕花卡，大家都可以揀自已想整既野！邊一樣都好，作品中既聖誕松自然既香味即使係風乾之後都仍然會彌留四周，而新鮮綠色將會隨時間過渡成清新既淡淡綠色，睇到都覺得舒服！
最後會有【Purr Purr Cat Studio – 壓花玻璃聖誕樹/聖誕小夜燈工作坊】：當中既玻璃聖誕樹以及小夜燈將會以特製既壓花玻璃製成，而小夜燈更加會有聖誕爺爺或者麋鹿造型等大家揀，兩人同行仲會有95折，大家記得趁依個機會去整個送俾心愛既人！
手寫聖誕卡
係【T.calligraphie – 西洋書法聖誕卡工作坊】中，大家亦可以手寫聖誕卡，過程除左可以體驗西洋書法過程以及樂趣，大家仲可以製作充滿心思既聖誕賀卡，藉此送出你既心意同埋關懷！
去到【日本吳竹水彩系列聖誕卡繪製工作坊】，大家可以親手繪製一張獨一無二既聖誕卡，填上顏色以及寫上你想要同對方講既野，以寄語表達祝福！
當然大家都可以到【ISATISSE – 和諧粉彩聖誕卡及賀卡心意卡DIY工作坊】去DIY聖誕卡。2小時之內，大家都可以盡情創作，小朋友都可以黎玩下，發揮下佢地天馬行空既想像力！
聖誕手作
聖誕手作方面，亦有3個工作坊俾大家去揀！【Jenurery – 珍珠雪人皮革手繩工作坊】可以等大家用珍珠製作出雪人，約埋身邊既人一齊黎DIY都冇問題！可以製造難忘的聖誕回憶既同時，仲可以係完成後為對方送上獨一無二既聖誕禮物！
而【The Heartyland – Christmas Edition: Hearty Beads 工作坊】則準備左400多款不同的穿珠供你選擇，繩的顏色亦多達20多種，等大家可以想點配搭都冇問題！二人同行，每位優惠HKD10；三人同行，每位更優惠HKD20！
黎到【ISATISSE – 聖誕羊毛氈吊飾工作坊】，參加者可以親手做出自己中意既聖誕飾物，當中既呆萌童趣既羊毛氈公仔除左可以掛係屋企既聖誕樹上面，更加可以當作枱面擺設，匙扣等既用途！