Disney+最新原創韓國綜藝節目《韓星地帶：求生大作戰》，自開播以黎，討論度都十分高，功勞就緊係要俾「國民 MC」劉在錫、「亞洲王子」李光洙以及「永遠嘅少女」權俞利。如果大家想睇搞笑真實既綜藝，都可以去睇下。
滿滿的綜藝效果
節目除左有劉在錫及李光洙，仲有「新綜藝女皇」權俞利，節目效果可想而知一定豐富到爆！當中「膽小鬼」劉在錫與「放棄先鋒」李光洙十分搞怪，一回偷偷躺平休息，一回不停提出放棄的建議，仲係緊張關頭大吃大喝。反而係權俞利帶住佢地過一關又一關。特別係第四集，鬼屋之中佈滿恐怖機關，仲有真人厲鬼去嚇三位主持人，光洙自爆驚到瀨尿，劉在錫就話佢嚇到流眼淚，反而最後得權俞利可以完成關卡，真係估都估唔到。
反思世界
節目中有唔同精心設計既地帶，結合未來全球可能會面臨既危機，從而等觀眾睇得開心之餘，又可以思考人類對環境的破壞。其中包括：「眼睛地帶」、「水地帶」、「病毒地帶」、「安全地帶」、「大腦地帶」以及「火地帶」。就好似係第一集既「眼睛地帶」，三位主持淨係在寒冷的絕境中堅持一個鐘就已經大叫放棄，等觀眾都明白到生存災難既嚴重性！
探討人性
當中除左反思世界，仲有兩個地帶會驅使大家去探討人性，其中「金錢地帶」以及「目標地帶」分別探討金錢既誘惑以及危難中既人性。當中亦十分逼真，令到三位主持人都好投入去玩之餘，咁多位觀眾都可以從中得到思考既空間！