Disney+ 係今年5月獨家推出左人氣角色鋼牙與大鼻的原創電影《救難小英雄》，唔知大家又睇過未呢？未睇過勁度推薦去睇返！相信睇完會激起你想追返其他迪士尼電影既衝動！
角色概覽
當中有唔少既迪士尼角色，有鋼牙與大鼻依兩位充滿回憶同懷念既經典卡通角色，亦有《美女與野獸》既燭台、《小魚仙》既比目魚小胖等等比較現代既角色。想要意想不到既角色？都有，長大成人的崩壞版《小飛俠》彼德潘將會成為反派人物，大家又係咪估唔到呢？除此之外仲有唔同既迪士尼角色，相信大家睇個時一定會勾起之前睇過既迪士尼故事！
特效技術
為左俾觀眾更加深刻既體驗，迪士尼有好多童話故事都會加上像真度極高既電腦特效，同埋真人演員演出。而今次既《救難小英雄》亦唔例外。係電影之中，卡通人物將會以CGI技術呈現，就好似大鼻會電腦生成圖像方法呈現出黎；花栗鼠兄弟，將以小精靈的方式呈現，迪士尼亦表示希望全新既CGI技術加上真人演出、電腦動畫及CG特技的拍攝方式可以成為電影史上一個新里程碑！
爆笑配音
《救難小英雄》既英文配音係由《週六夜現場》既約翰慕蘭尼去飾演鋼牙，而大鼻就會由知名搞笑團體The Lonely Island成員之一，安迪森堡黎飾演 。同時另一位The Lonely Island既成員，Akiva Schaffer就會負責執導，大家可以好好期待一下當中會出現咩爆笑橋段，準備好笑返夠本。最後，考慮到香港影迷，電影當中亦設有粵語配音，用字更道地，睇既時候都唔洗驚英文太差，完美避免唔明爆笑橋段點解會爆笑，有興趣既朋友記得留意返Disney+既最新消息！