Disney+ 最近既律政喜劇《千圜律師》唔知大家有冇追緊呢！劇中既律師用左唔少怪招去打官司，就算係搵證據，都同其他律政劇唔同。當中搞笑既氛圍令到成個故事唔悶之餘，仲會想一睇再睇！
劇集佳績
儘管今年韓劇又被叫做既「律師年」，但《千圜律師》仍然可以從中取得一席之地。《千圜律師》中既明星雲集令到未開播就已經收獲一班粉絲，其中明星包括南宮珉、金智恩、崔代勳、李德華、朴真宇。唔單止以8.8%既首播收視刷新左韓國SBS電視台本年度同時段劇集開播收視紀錄，仲一直保持住雙位數既收視率，特別係第五集仲超過15%！
故事內容
故事中的「千智勳」係一位前檢察官、現職律師，佢同另外兩位律師分別係出身富貴法律世家既千金實習律師「白瑪麗」以及律師樓事務長「謝武長」一齊去為委託人爭取公義。但佢地用既並唔係正常方法，劇中超越常規的行動，演技加上音樂及特效，令律師搵證據依個無聊既過程增添左許多爆笑情節，亦令到咁多位睇既觀眾笑到流曬眼淚。難怪《千圜律師》可以係「律師年」之中脫穎而出！
緊湊劇情
唔少既劇情都好緊湊，令人想追埋落去，知道更多關於事件既情況！劇中只收₩1,000幫弱勢社群打官司既「千智勳」用左唔少既計謀。有睇過第三，第四集既各位，應該會對Bingo遊戲有印象，當時「千智勳」同「白瑪麗」有默契去幫被欺凌的員工出頭，真係睇到步步驚心！又或者係第五，六集之中 「千智勳」憑住油畫中的景物以及時間既差異，推敲出係著名畫家既兒子同姐姐一直以黎係到為早已死去既父親代筆，更一步一步了解到兒子同姐姐背後的故事，真係峰迴路轉。不過我地從中亦睇得出編劇真係花左好多心思係劇中上面！如果大家想睇既，好簡單就可以搵到，希望黎緊既案件一樣咁正！