想睇搞笑劇集放鬆下，壓力一笑而過？ Disney+間諜喜劇《特務家族》4月17號獨家上綫！身為韓國國家情報院嘅特務權道勳（張赫 飾），多年來偽裝成普通打工仔及住家男人，過著雙重人生，但是安然嘅生活即將迎來重大變數。呢部劇動作﹑親情﹑愛情元素一次過滿足你。
劇情簡介
在外界眼中，權道勳净係個普通上班族，與嬌妻姜宥拉（張娜拉 飾），有著一個平凡溫馨的小家庭。日日都努力揾食嘅道勳，想為家人提供一個完美家庭。同時，佢亦一直設法向所有人，保密佢嘅真正職業 —— 國家情報院特務殺手。道勳身份已經夠曬勁爆，冇捻到枕邊人都有著一個不可告人的身世秘密！究竟朝夕相對的二人，如何在驚險中守住各自的秘密，同時保護温馨家庭免受破壞，避免「國家級任務」失敗？真係超級期待呢兩位演員久別重逢嘅新作了！
演員陣容
男主角係演過《金錢之花》、《樹大根深》嘅張赫，飾演偽裝成普通打工仔的國家情報院特務權道勳；女主角張娜拉，飾演過《皇后的品格》、《VIP》，今次扮演隱藏秘密嘅完美家庭主婦姜宥拉；《咖啡王子1號店》、《龍八》嘅蔡貞安，飾演道勳的特務上司吳天蓮。劇集由善寫浪漫戀愛劇的，《那個男人吳秀》編劇鄭宥善執筆編寫。陣容真係冇得頂！
精彩劇集陸續有來
除咗《特務家族》，一眾韓劇迷等到頸都長嘅，屢破韓國收視紀錄的醫療神劇《浪漫醫生金師傅３》全新一季，亦會於４月下旬獨家上線。大家可以去Disney+ 串流平台，觀賞其他精彩韓國影視作品包括：「復仇女王」李智雅再度聯手「復仇劇教母」編劇金順玉，大快人心的女主復仇劇《潘朵拉：偽造的樂園》。雲集影帝崔珉植、大叔系男神孫錫久、及一眾實力演員主演，以賭上性命，為求鹹魚翻身的劇集《賭命為王》。由顏值滿分的演員組合——李聖經，金英光，盛駿，安喜延(Hani) 主演的虐心愛情劇《這是愛情嗎》等。數極都數唔完嘅豐富作品盡在Disney+ ，仲等咩嘢？快d來煲劇啦！