世界各地都有唔同既戀愛真人騷，各有特點之餘，大家都睇得好投入。而近日Disney+既《粉紅謊言》亦引起左唔少討論，首當其衝既就係參加者必需帶一個無法坦白既「謊言」去參加節目，相信「謊言」會成為看點之一！
以謊言去隱藏秘密
大部份參加者既「謊言」都同真正既職業或者家庭背景有關，就好似姜多海聲稱係一名時裝公司實習生，但其實佢係一位唔洗工作，但每個月有約港幣9萬元零用既富家女，相信大家聽到既時候都O曬嘴，冇諗過落差會咁大。雖然原意係好，但係又有幾多男性接受到食一世「軟飯」。
「真實房間」揭曉謊言
節目仲特設左「真實房間」，等咁多位參加者有機會可以係獨處既情況下揭撓心儀對象既謊言。係第7及8集節目中，韓多溫就分別俾朴翰潔同姜太陽揭露出佢係一名模特兒以及前女團「F-VE DOLLS」成員之一，並唔係美妝公司行銷員；洪河壘就俾裴瑟妃知道佢既真正身份係「農場之子」。不過唔同人對於大家既真實身份有住唔同既反應，節目亦冇向全部參加者公開，為之後既劇情埋下唔少伏筆。
製作組刻意安排
除左有有錢女以及前偶像作為節目既參加者之外，製作組更加大膽揀選左前成人片女演員以及限制級猛男騷表演者作為參加者，令到公開謊言既時候都搞到大家估都估唔到。同時，製作組仲會細心安排參加者既一對一約會，唔理係單方面定雙方都知道對方的秘密，大家也不能坦白，令到約會過程唔單止充滿甜蜜，更加變為互相猜測、試探，一場最真實既人性測試！
主持場外爆燈效果
金希澈、宋元錫、李先彬、RalRal作為節目中既4名主持，大家對於同一年事都會有唔同睇法，就好似洪河壘質問韓多溫「你是狐狸嗎？」既時候，李先彬及RalRal認為河壘無禮貌，並批評多溫係雙標，而金希澈及宋元錫則認為河壘中意多溫，見到多溫同其他人感情變好，心急先會講出依番說話。節目播到依家，4位主持都效果做足，唔知之後劇情發展又會發展出咩既效果呢！