早前Disney+係情人節公佈既韓劇《這是愛情嗎》既首支預告，時長雖短，但已經可以感受得到二人愛而不得既淒美和無奈。《這是愛情嗎》現已在Disney+上映，大家又準備好紙巾未呢！
韓式虐心戀愛
兩個人因為復仇而選擇接近對方，但意想不到地係相處過程中漸生情愫，但種種恩怨又搞到佢地唔可以相愛。沈宇宙（李聖經飾演）為了討回自己應得既一切，不惜一切接近父親情婦既兒子韓冬辰（金英光飾演），而韓冬辰自小就經歷母親多次再婚，被大學情人出軌分手等等，成個人充斥住憂鬱氛圍，但又悶聲不響。到底兩人最後係會兩敗俱傷，定係兩情相悅，暫時就交俾大家去猜想。
超強CP感既男女主角
早前公佈劇照之後，大家都係到話李聖經同金英光外貌身型都十分登對，而身高一樣係「 高人一等」，行埋一齊散發住滿滿既CP感。甚至兩人默契好到成功騙取幕後團隊，令幕後團隊以為佢地偷偷交往。唔知道依對「長腿CP」之間既化學反應又會勁到咩程度呢！但相信一定可以令到大家更加投入係佢地心痛又甜蜜既戀愛氛圍之中！
星級顏值陣容
除左男女主角之外，戲中既其他角色亦有住爆燈顏值，其中包括：飾演沈宇宙「男閨蜜」尹濬既盛駿；飾演韓冬辰前女友姜敏英既安喜延，二人係劇中亦有住相當重要既角色，想唔俾依班星級顏值陣容折服都難！