Disney+原創日劇《噬亡村》完美展現出日式懾人抑壓氣氛，以及懸疑血腥魅力，令到每一集都充滿住唔同既驚嚇衝擊。而逼真既場景亦令到大家將《噬亡村》與同名漫畫《Gannibal》作比較，到底兩者對比既情況下又會點呢！
劇集漫畫對比
首先黎睇分鏡、細節、場面。唔理係邊一方面，《噬亡村》都完美建構漫畫中陰深、恐怖以及浮誇荒誕既氛圍。例如：後藤家神袐怪物「那個人」從後以鎌刀襲擊阿川、祭悼儀式一行人蒙頭前進以至睦夫被「那個人」扯斷頭髮、「半面神袐男」揭開人皮面具露出既「真面目」、阿川於危機過後向老婆撒嬌並讚歎老婆擁有巨乳等等，都同漫畫情節同出一轍！
劇集截圖 | 網絡截圖 |
輪到演員造型及表情既對比。漫畫中，唔理係後藤家既後人，定係供花村既村民，每個人都面目表情詭異，就連主角你都會懷疑佢係咪只係失常，所有事情係咪只係佢既幻想。劇組無論係選角，造型，甚至係特效化妝上，都神還原漫畫，全力營造人人各懷鬼胎既氣氛！
劇集截圖 | 網絡截圖 |
劇情大綱
《噬亡村》不知不覺都就黎到尾聲，警官阿川大悟逐步接近真相，以身犯險走入後藤家既心臟地帶，探究後藤家所隱藏既秘密，以及「那個人」既真實身份！《噬亡村》大結局將於2月1日下午4時係Disney+獨家上線，追開《噬亡村》既你一定唔可以錯過！