講到世界盃，又點可以唔提起我地既英國傳奇7號球星、「萬人迷」碧咸！全新既原創紀錄片系列《碧咸救細記》依家已經係Disney+上線，當中有唔少關於碧咸既故事，「七旋斬」話唔定都會重出江湖！
精彩看點
故事當中，碧咸即會返到去佢既出身地東倫敦，並且今次既佢唔再係一名球員，而係成為一名教練去指導一班草根球隊Westward Boys年輕球員，可以近距離見證碧咸點樣去教年輕球員既同時，仲可以遊歷孕育依一位傳奇球星既地方。
而教導年輕球員既過程中，碧咸仲會講述佢以往20年職業生涯的體會，等年輕一代明白依家既挫折係為左將來更好既成就。除左分享足球知識，碧咸仲會拜訪他們的家庭去認識年輕球員既生活，觀眾可以了解碧咸輝煌足球界20年既感受，同時仲可以見識到碧咸場外既生活，對人生既看法以及對夢想既追求等等！
咁多位碧咸粉絲，相信都好期待碧咸會唔會重現「七旋斬」，回憶起「死球專家」碧咸2001年世界盃外圍賽對陣希臘最後一分鐘時射入既絕妙自由球。而碧咸既職業生涯中更射入了總共65個自由球，難怪成為一代傳奇！故事當中仲會有Westward Boys球隊反勝既勵志故事，亦希望大家藉此保持激情去支持愛隊，盡情享受世界盃！
傳奇巨星有趣史
身為傳奇巨星，碧咸亦有唔少既有趣史！無論係因為1996-97球季係自己隊方半場笠射入網，一腳成名，搞到依家有人中場笠射入球都會拎當年既碧咸作比較，定係經常轉換的髮型，特別係當年既「雞冠頭」，都不及碧咸係2008年找上香港紋身師紋上「生死有命 富貴由天」黎得驚奇。順帶一提，碧咸依家仍係英超「直接自由球入球」既紀錄保持者，總共18球。