最近香港生產力促進局總裁畢堅文係香港恒生大學傳播學院《恒傳感言》中講到關於香港創科既問題以及未來前景。當中亦提及跟以往不相同既STEM教育，相信唔少家長都對依方面會有所顧忌，亦十分關心。
吸引創科人才留港
畢堅文講到依家數碼經濟既情況下，企業對創科越黎越重視，加上香港政府宣布將會預留千億元推動本港創科發展同深港合作，以致個個都想爭人才，令到創科市場人才不足。而「名牌效應」對於留住人才就顯得十分重要，就算只有幾間龍頭企業落戶香港都已經足夠，否則留係香港既創科人才將會愈黎愈少。
科研成果商品化
畢堅文提到科技與產業相輔相成，兩者並存先可以有頂尖科技。雖然政府有多項資金援助措施，就好似「再工業化資助計劃」去資助生產商配合工業 4.0技術去開發智能生產線，最多高至1,500 萬元。當中既工業 4.0技術除左保留現有既廠房面積同減少人手，同時提升一倍既生產力，吸引到唔少既中小企業參與，但仲要繼續努力。
STEM 教育
近年政府放左唔少資源係STEM教育上，希望培養出更多既創科新力軍。但因為與傳統既「文史哲」唔一樣，令到社會上有唔少既反對聲音，當中亦包括家長。畢堅文稱科技發展為將來大勢，學生應該要學未來技能而不是將來會過時既技能，並希望家長可以改變心態，重新審視創科這條充滿前景既路。