相信大家都多少關注過女性成長議題，有時都會有所感觸，5月份亦就來到母親節了，如果對女性力量感興趣嘅朋友，呢齣舞蹈劇場就係你唔可以錯過嘅用心作品啦。舞蹈劇場《如影》帶你行入唔同女士的内心世界，從5月1到-14號會喺香港文化中心劇場公演四場。
女性主創帶來豐富情感
香港舞蹈團前助理藝術總監謝茵，今次係第一次以自由編舞身份同舞團合作，為觀衆帶來細膩動人嘅舞蹈劇場。她分享道 : 「這齣作品嘅名取自『如影隨形』，有兩層意思：一是將『影』比作回憶，因爲以前嘅回憶都會同現時生活有交織聯係；二是『形』，會令大家聯想到舞者的身體，編舞同舞者需要思考，如何以身體的舞動同對話，向大家展示那些細膩、豐富的情感。
五位來自兩岸三地的女舞者，成長背景、閲歷都各不相同，今次齊聚一堂，藉由「回憶」同曾經嘅自己再相遇。借著光的映照，明暗之間，好似行入時光隧道，展開佢地對土地，親人，自己，亦對舞蹈的感悟，以親身經歷，展示女性喺人生唔同階段的心路歷程，冷暖悲喜。
相信呢齣舞蹈劇場可以令大家整理心緒，重新出發，獲得成長力量啦。好似第一個亞洲奧斯卡影后楊紫瓊話齋，「女士們，別讓任何人告訴妳，妳的黃金時期已過，永遠不要放棄。」