過完新年，疫情及經濟情況好轉，相信各位打工人都諗住開工利市金額都會有返相當既分量。大家拆完之後都可以黎睇下CTgoodjobs既《2023農曆新年打工仔收幾多開工利市？》調查，了解整體開工利市金額及新年福利情況！
行業或演變為一大關鍵
調查發現，有近21%打工仔獲50元至99元開工利市；約27%打工仔獲100元至199元開工利市，而獲得1,000元開工利市則接近8.5%，其中近3%打工仔獲2,000元或以上開工利市。
如果以行業分類，派發最多開工利市既行業為電訊業，超過33%在該行業工作既受訪者獲2,000元以上開工利市；其次為保健/美容/健身業，超過16%在該行業工作既受訪者獲2,000元以上開工利市；第三為銀行/保險/證券/金融業，超過25%在該行業工作既受訪者獲1,000元以上開工利市，約12%獲2,000元以上開工利市。
而最少開工利市既行業，分別為教育/培訓 (75%在該行業工作既受訪者沒有開工利市)、媒體/出版 (近17%在該行業工作既受訪者沒有開工利市)、人力資源管理/諮詢 (超過14%在該行業工作既受訪者沒有開工利市)及慈善機構/非政府組織/社會服務 (超過14%在該行業工作既受訪者沒有開工利市)。
地區利市分佈情況
同時，調查結果亦顯示係中西區(24.33%)、元朗區(20%)及觀塘區(11.76%)返工既受訪者，獲1,000元以上開市利市既百分比最高；相反係大埔區、西貢區及荃灣區既受訪者，則成為最多人沒有收到開工利市既地區，分別為100%、33.33%及25%。
農曆新年福利情況
部分公司亦都會同期推出福利，不過根據調查，過半數企業(56.05%)都冇為員工提供其他農曆新年福利，不過有近16%受訪者表示其公司有在農曆新年期間出雙糧，另外有接近10%受訪者獲得額外新年假期。另外，值得一提既係有公司會為員工送上主題樂園入場券，作為新年禮物。