花旗銀行近日進行新春期間既統計，今年既年初一到年初五期間，花旗客戶派發電子利是既交易數目佔轉數快轉賬交易數目約一半，可見唔少客戶都十分使用電子利是，而新年特別版心意卡亦都受到大家既喜愛！
年輕一代新潮流
新年期間，今年經花旗銀行派發電子利是既客戶，就有四成屬於25～34歲組別，三成屬於35～44歲組別，從中可以睇得出電子利是已經慢慢演變成新一代年輕人既派利是趨勢。而派發電子利是既客戶中，就有超過八成為大眾客戶，約兩成為花旗私人客戶及花旗Citigold客戶。
新年特別版心意卡
而今年花旗銀行更加夥拍張敬軒以及本地插畫師「Dear me,」，推出新年特別版轉賬心意卡，等大家新年進行轉賬，作為利是祝賀既同時，亦都可以表達新年祝福。根據花旗銀行既數據顯示，新年期間最多客戶揀選既心意卡祝賀語為最傳統既「恭喜發財」，更有超過一成選擇自訂心意卡版面，用客戶自已既中意既相片製作成心意卡，為親友獻上個人化既祝福。截至今日，新年特別版心意卡下載量接近33萬！
兔年「快閃大抽獎」
兔年「快閃大抽獎」，今日亦都黎到最後一日，大家想參與既就記得把握最後機會！大家如果今日成功係Citi Mobile App按「Get More」登記參加及完成指定任務，就有機會贏取過百份獎品，當中更加包括足金兔及現金禮券。而參加左「Citi 派利是」大抽獎既各位，都記得留意返官方宣佈，睇下自已有冇成功中到大獎！
花旗新春元宇宙
新春期間，花旗亦都推出左新年版本既元宇宙，大家都可以去到https://play.decentraland.org/?NETWORK=mainnet&position=-119,-104（須使用電腦登錄）到訪 Citi Digital Wealth Center並觀賞當中既新年佈置，更加可以係新年許願樹留下願望，諗唔到許咩願望既大家都可以跟大隊，一齊許低新一年「身體健康」既願望！