依排打卡既地方唔知大家又集齊郵未呢！未既話就要盡快！因為黎緊11月19日去到2023年既1月8日，新世紀廣場開設左7個打卡位，當中唔單止有Duffy同LinaBell，仲有咁多位迪士尼既經典角色等住大家！
打卡勝地
係今次既活動之中，新世紀廣場仲設立左7個打卡位等住大家去打卡影相！一於等我逐個同大家講下！打頭陣就緊係5.8米既聖誕樹，聖誕樹上面有巨型粉紅色蝴蝶結同埋閃亮璀璨燈飾，底座上就有住層層堆叠既繽紛禮盒！聖誕樹下面就會係一個木系小屋，唔理係聖誕襪，聖誕禮物定LinaBell毛公仔都應有盡有！
黎到其他打卡位，就係Duffy同佢好朋友既足跡！Duffy及ShellieMay既主題小屋會以璀璨金色為主調，屋內掛滿唔同既精美掛飾，著住藍黃色冬日服裝的Duffy係到裝飾金光閃閃既聖誕樹，而ShellieMay就會係到幫大家去準備禮物；StellaLou主題小屋就會展示出StellaLou為芭蕾舞者夢想練習既場景；Gelatoni畫室就採用左柔和的綠色，以散發出溫暖治癒既氣息，當中Gelatoni係到勾畫一個冬日森林飄雪世界。
5.8米聖誕樹唔夠？仲有6米既「奇妙夢想城堡」，璀璨粉嫩的粉金色，精緻復古既歐陸設計風格，迪士尼夢幻藍調的塔頂，柔和燈光效果，令到成個城堡睇落更加夢幻！而講到迪士尼，到時仲會有唔同著名既迪士尼角色係城堡前拎住禮物等大家去搵佢地！當然唔會唔記得去「夢幻聖誕長廊」，7位Duffy同好友既毛公仔，以及佢地既最新冬日系列毛公仔都係長廊到等住大家！
Duffy與LinaBell聖誕見面會
而係12月4日既下午2點半到5點半，將會有Duffy與LinaBell聖誕見面會係MOKO MTR 樓層中庭舉行，到時候大家就可以盡情同Duffy與LinaBell一齊影相，去留住依個咁有回憶既冬天！見面會入場證換領詳情將於11月中旬公佈，咁多位粉絲記得留意商場社交平台既最新消息！
「A Disney Christmas」
2022年11月18日至2023年1月2日，香港迪士尼樂園仲會舉辦一連串既活動，陪住大家過聖誕！其中包括「Duffy 與好友冬日花園」、「米奇與好友聖誕舞會」、「奇妙飄雪 聖誕高飛」、「夢想成真聖誕樹亮燈禮」以及「迪士尼星夢光影之旅」，大家到時記得玩盡佢！