復活節好快到了，大家有冇諗好去邊？不如來西寶城啦，聯乘白雲先生打造首個Easter Fluffy-land，帶領一眾Fluffy House成員旋風登陸西寶城，今次仲係Fluffy House誕生十六週年的頭炮慶祝活動，現場會有期間限定店同超多主題市集，有得食有得玩，仲有消費優惠，讓大家盡享食、買、玩的童趣復活節！
娛樂
Marvel超燃新劇 揭秘神盾局局長謎團
Marvel强勢回歸啦，粉絲們全體集合，又有精彩新劇睇！係唔係已經等唔切？Marvel Studios 繼《洛基》、《月光騎士》之後， 「復仇者聯盟」元祖級成員神盾局局長費尼克(Nick Fury) 全新原創劇集《秘密入侵》 6月21號上綫Disney+ ，延續Marvel電影宇宙第5階段，净係聽到已經超激動。
繽紛藝術展 快樂生活永續
個個都話生活過好d，要有儀式感，這亦係法國生活時裝品牌agnès b. 推崇的「可持續態度」。品牌聯合K11的RUE DE MARSEILLE藝廊，同本地藝術家林雅儀合作，呈獻「星辰引路 異想啟航：Zoie Lam多媒體藝術展覽」，除了色彩繽紛的作品，更有慈善義賣回饋社區，將品牌「分享愛」的精神傳承，活動真係好有意義！
花滑「冰王子」羽生結弦 華麗冰上表演
上年冬奧相信大家都過足冰雪癮，而鍾意嘅朋友對日本名將「冰王子」羽生結弦肯定都唔陌生。佢14年成為首位亞洲男子花滑奧運會冠軍後，18年又連任成功，贏足全球fans支持。今次Disney+ 將呈獻史上首個於東京巨蛋的冰上表演《羽生結弦冰上故事2023 – GIFT – 東京巨蛋》，爲大家送上視聽盛宴，感受冰上藝術之美。
紀念離開20週年 奧海城再遇張國榮
「幻變的一生默默期待一份愛～」你仍期待遇見張國榮嗎？為紀念一代巨星「哥哥」張國榮離開20週年，奧海城特意舉辦「Timeless Leslie Encounter」活動，透過20個「相遇」的故事，讓大家以多角度認識、紀念及與這位永恆傳奇巨星「相遇」！
趣味 「智潮復活島」 益智好玩仲有美食！
最近創科發展同 S.T.E.A.M 學習都是城中比較hit嘅話題，呢個復活節，香港挪亞方舟從 4 月 1號到 10 號 推出「智潮復活島」特別活動，號召有探究精神嘅大小潮玩族，活運聰明智慧，完成一系列科技感十足嘅挑戰。同時，挪亞方舟度假酒店亦為大家帶來「飛行奇遇記」主題客房同美食活動，等你有個豐富好玩嘅過節體驗。
打工好悶？呢個鬼馬展覽包你笑到貼地
成日話「香港人真係好鍾意返工」，冇野可以阻我返工揾食。有才又幽默嘅80 後插畫師 Catco Wong、筆名「戴恭濟」(打工仔諧音) ，以此為靈感，喺旺角 MOKO 新世紀廣場， 4 月 1 號到10 號，展出「港 sick 打工仔心聲展覽及打卡裝置」，用押韻抵死嘅廣東話，和職場人同聲同氣，Fun 享快樂，真係搞笑得來又令人好有共鳴！
精彩舞蹈劇場 帶你感受女性細膩情感
相信大家都多少關注過女性成長議題，有時都會有所感觸，5月份亦就來到母親節了，如果對女性力量感興趣嘅朋友，呢齣舞蹈劇場就係你唔可以錯過嘅用心作品啦。舞蹈劇場《如影》帶你行入唔同女士的内心世界，從5月1到-14號會喺香港文化中心劇場公演四場。 209421
燒腦反轉復仇韓劇 好睇到停唔落來
最近生活有D平淡？就梗係要追下復仇爽劇，體驗下刺激快感。逢周六、日21:40於Disney+ 上線嘅《潘朵拉：偽造的樂園》,為大家帶來腦洞大開、充滿懸疑、又緊張明快的黑暗女主復仇劇集，包你睇過返尋味！
超得意巨型姆明亮相 細路仔至愛
今個復活節，YOHO MALL爲大家送上「姆明谷」的MOOMIN家族同史力奇、小美等一眾好友的「MOOMIN x山下菓子期間限定店」。有超過300件精選手信，同首次於香港亮相的巨型姆明，粉絲實為爲之瘋狂，真係好吃又好玩！