香港地返工壓力大唔係第一日嘅事實，而且放工繼續OT好平常。不過最難頂的是老闆自以為貼心的「金句」，有時真的難聽過粗口，令一班打工仔委屈非常、有口難言。今次小編便集合網民於各大討論區「返工聽過的難聽說話」的分享，一起看看有哪些你也聽過吧！

[the_ad_placement id=”ad2″]

學到係自己嘅

每當老闆把額外的工作給你，往往都會以「學到係自己嘅」一句作為鼓勵，藉此「合理化」不合理的工作量，更要包裝成「袋錢入你袋」，無視背後的辛酸，當人壓力超載，或是需要瘋狂加班才可完成所有工作，令人相當無語。

後生仔唔好怕蝕底

當辦公室內的資深同事或老闆不斷將工作分派給你時，一定會加上一句「後生仔唔好怕蝕底」，同樣抱著「袋錢入你袋」的思維，希望你感恩地把握這些機會。

有咩唔明記住問

新入職時，老闆或上司通常會親切地對下屬說：「有咩唔明記住問。」然而，如果真的問了便大鑊了，因為他們會反問：「問啲嘢可唔可以有返少少水準？」，不問做錯又被鬧：「你唔識做咩唔問啊？」，雙重標準真的很amazing～

加班中 老闆臨走時問：仲未走得啊？

有時夜裡加班，忘了晚飯忘了收工，為公司盡心盡力。這個時候老闆準備離開辦公室，對著加班同事說：「仲未走得啊？哎喲！陰公囉……」之後便輕輕離去，無心的嘲諷的意味着實令一班打工仔深深不忿。

星期五5點半先問：得唔得閒？

星期五5點半臨收工先收到老闆「忽然關心」的慰問，想知自己手頭上有哪些工作？但這只是個開場白，無論你空閒與否，都一定會交代一宗「很趕」的工作，然後拋下一句：「今日做晒佢，星期一放喺我枱面。」，真係多謝曬。

[the_ad_placement id=”ad2″]