適逢BMW推出全新純電豪華旗艦房車i7，BMW亦想俾大家親眼睇到以及親身感受到佢既魅力以及吸引既地方。由即日起至12月28日，BMW i7將會係K11 MUSEA既MUSE EDITION，相信到時一定會成為全場焦點！
「THIS IS FORWARDISM」期間限定展覽
由12月8日至12月28日，充滿全高貴金色既舞台將會係K11 MUSEA MUSE EDITION登場。當中大家可以見證由LED屏幕地板所組成既華麗典雅舞台。LED屏幕地板既設計以變幻萬千，電流竄動既動感變化作為核心，藉此彰盡出BMW i7無可阻擋既極致純電魅力。同時，台上更刻有BMW i7「THIS IS FORWARDISM」既設計格言，以迎接尊貴既貴賓！
大家想去既出席既話可以先行係網上登記或即席到場登記參觀都冇問題！只需要簡單登記，就可以啟動由BMW精心準備既手機AR拍攝濾鏡，開展「THIS IS FORWARDISM」既非凡視覺，感受由BMW Iconic Glow畫成既動感光影隧道！
「BMW Festive Odyssey」聖誕主題下午茶
而係12月8日至023年1月2日推出既下午茶會以BMW品牌元素搭配上一系列精緻鹹甜美點，為大家帶黎不一樣既體驗。打頭陣既就有精美鹹點龍蝦氣球以及海鮮小冰屋，接萵黎仲有別具特色既鵝肝梳乎厘鹹香濃郁、惹味開胃既油封鴨棋子、烘至金黃色既火雞酥盒外脆內嫩；而野菜千層疊則層次豐富，伴隨著多重舌尖享受。
而係甜點方面則會有冬日限定既栗子聖誕樹，當中以綿滑栗子蓉包裹，甜而不膩；彩虹南瓜泡芙既賣相以及色彩上都十分豐富；微型胡桃批及歌劇院蛋糕；草莓水晶球以及充滿溫暖既工匠朱古力。
除此之外，每份下午茶均包括法式糕點，其中包括：神石榴瑪德蓮貝殼蛋糕、自家烘焙小紅莓英式鬆餅及經典英式鬆餅，配有忌廉及自家製玫瑰果醬，等大家係欣賞全新既BMW i7同時，仲可以保有悠閒享受生活既時間。當然唔少得可選配既兩杯飲品，分別係以柚子、青檸汁、青瓜及蝶豆花調配而成既無酒精雞尾酒My Future Journey以及以香檳為主調，加入君度橙酒、荔枝利口酒、荔枝汁及玫瑰所調配而成既New Era，為大家既下午茶之旅寫下一個完美既句號。