相信唔少既女仔係細個既時候都有玩過或者睇過Barbie，唔知你地到依家仲中唔中意呢？黎緊11月19日至下年既1月2日，MCP CENTRAL將設立唔同既Barbie打卡地點，等大家打卡既時候都可以重溫童年回憶！
六大打卡及遊樂專區
MCP CENTRAL設置左六個打卡位以及兩個遊樂專區俾咁多位Barbie既粉絲去影相，其中包括：6米高掛住過千件Barbie公仔及衣著造型掛飾既「粉炫夢幻聖誕樹」；會場限定聖誕特別版Barbie巨型公仔箱既「百變 Barbie 由你決定」；唔同Barbie經典造型既「Barbie 珍藏展覽」；大堂佈滿Barbie節日可愛造型照片以及粉色作為主色既「時尚粉紅大堂」；放置Barbie巨型衣櫃既「Barbie粉紅睡房」；小朋友化身為小幫手幫Barbie整理衣櫃既「Barbie 夢幻衣櫃」互動遊戲；巨型指甲油既「Barbie 奇幻變身之旅」，而係限時內捉到指定數量既圖案，都可以拎到小禮品或商戶優惠券！
折扣優惠
活動期間，場內既Barbie期間限定店將推出唔少既優惠，其中包括購物滿$500即減$50；滿$800即減$90；全線Barbie玩具85折優惠；精選熱賣Barbie產品更低至7折，中意Barbie既各位都可以趁今次依個機會去入手！
與此同時，H‧COINS會員如果以電子貨幣單一消費每滿 HK$300都可以獲得電子印花1枚，集齊4枚電子印花就可以換領「MCL新都城戲院HK$100電影禮券」乙張，不過只有1,200份，而且係先到先得。
H·COINS 會員專享3重賞
第一賞就係粉紅飲品優惠。H·COINS會員係推廣期內可以使用優惠價去享用場內13間指定參與商戶既粉紅特飲或甜品乙次，又係飲得黎，睇得又開心！
第二賞就係分享飲品換口罩。係享用粉紅特飲或甜品既時候，如果H·COINS會員分享至社交平台及讚好MCP CENTRAL & MCP DISCOVERY Facebook專頁，就可以換領「C生活櫻花口罩」乙盒。但係只有399份，先到先得，換完即止。
第三賞就係H·COINS手機app既尋寶遊戲。只要係場內指定商戶店內掃瞄3個指定QR Code，就可以換領「聖誕商戶優惠合集」，並獲取超過HK$2,000既商戶餐飲購物優惠券，名額500人，先到先得，一樣換完即止。
MCP聖誕市集
2022年12月9日至2023年1月2日期間，MCP DISCOVERY仲舉辦一個以圍繞歐陸風打造既聖誕市集，當中除左有唔少既人氣小店進駐，仲有5米高既充氣聖誕老人係商場之中同大家打招呼，等大家有個難忘又美好既聖誕節！