今日有去過奧海城既大家，相信見到商場內既高達展覽一定好震撼！今次Bandai聯同奧海城合力舉辦左一個體驗感極高既「Bandai Spirits Hobby Exhibition」，等大家可以近距離觀賞高達，帶俾大家滿滿既興奮！
大型高達展覽
會場仲會有唔同類型既高達，其中「風靈高達」同「RX-78-2 高達」兩個高1.7米既大型立像以及1.8 米大型立像「突擊自由高達」一定會吸引到好多人聞名而去。與此同時，「MGEX 1/100 突擊自由高達」亦會進行首次公開展出，當中最為特別就係金黃色既骨架，用心整出黎既發光效果，完美呈現出「金屬感」。高達迷唔單止有機會親身，近距離睇之餘，仲可以係動觸控屏幕上逐一解構組件，真好幸福到爆！
高達模型發售
場內仲有一個展區，大家係當中可以搵到好多由雞蛋殼、廢棄塑膠等作為原料所製作出既高達模型，如果大家對依種夠曬環保既高達有興趣，會場亦有發售環保高達，等你砌模型既時候都可以為保護地球出一分力！
除左環保高達，緊係唔少得有限量版高達。會場之內仲設有高達期間限定店，當中有大量全新既高達模型產品可以等大家買返屋企慢慢砌。不過想必最熱門都係14款會場首發限量版高達模型，一班追達迷話唔定已經係到排緊隊！大家想知更多都可以去返BandaiHobby Facebook到睇有關既產品以及詳情。
高達模型工作坊
小朋友冇睇過高達既除左可以慢慢睇，仲可以係專業導師既教導底下親手砌下。係2022年10月21至11月6日的平日同週末，將會分別有高達模型組裝體驗工作坊同埋升級版高達模型教室。係高達模型組裝體驗工作坊之中，小朋友可以親手組裝「RX-78-2高達模型體驗組件」，從而感受一下砌高達既樂趣！而升級版高達模型教室就會由專業導師去教授小朋友砌高達既技巧，不過佢地就會係砌「升級版 RX-78-2 高達模型教學組件」，當中既組件以及部件都更加貼合專業模型師既日常製作，俾小朋友最真實既體驗！