《男兒當入樽》電影版《THE FIRST SLAM DUNK》將會係2023年1月12日係香港上映，而為左滿足粉絲收藏周邊既慾望，電影將會伴隨住特別版八達通卡以及限量紀念珍藏版登陸香港，為大家帶黎滿滿既驚喜！

《THE FIRST SLAM DUNK》特別版八達通卡

為左紀念《男兒當入樽》電影版《THE FIRST SLAM DUNK》即將上畫，超人氣動漫代理商—羚邦集團亦為咁多位粉絲準備左《THE FIRST SLAM DUNK》特別版八達通卡，當中亦會附送紀念卡套，其中一款八達通卡更會以井上雄彦所繪畫既劇場版正式海報作設計，並印有不同畫風既宮城良田、三井壽、流川楓、赤木剛憲及櫻木花道，以滿足唔同粉絲，唔理係觀感定實用性都有！

《THE FIRST SLAM DUNK》限量紀念珍藏版

而係《THE FIRST SLAM DUNK》限量紀念珍藏版之中，除左會有另一款以5位角色大頭造型既劇場版前導海報作主要設計既八達通卡，仲會有極具收藏價值既紀念哨子、紀念幣，收藏盒更附獨立序號提昇整體收藏價值。

每套限量紀念珍藏套裝亦會有獨立序號，盒內設計沿用教練用既籃球戰術板，更能自備數字磁石以重現漫畫中每個經典佈陣。全球限售10,000套，想入手既各位可以係2023年1月4日至18日期間去到Ani-Mall訂購！