大家最近行一田或者AEON個時可能有見過固力果既神秘福袋。但除左福袋，固力果都新出左4個新品，身為佢地fans既你一定要試下！唔係fans都唔緊要，你見到都會流曬口水，忍唔住就買左返屋企！

全新新品

全新既「Pocky 奢華版牛奶朱古力味餅乾條」完美融合左牛奶同朱古力既味道，食落去幼滑細膩，當中濃香既牛奶同朱古力，真係聽到都令人流曬口水。另一種「Pocky 奢華版杏仁奶朱古力味餅乾條」口味採用 2.4%杏仁，一咬落去，口裹面全部都係杏仁既香味！同時佢亦含有豐富的食物纖維及維生素E，等你食零食都唔會有罪惡感。當然唔少得「固力果煙燻培根味餅乾條」，脆到爆既餅乾條加上培同燻木既香氣，每一啖都有濃烈的煙燻味，平時BBQ食唔夠？依一個煙燻培根味絕對啱曬你！最後就係「固力果煙燻芝士味餅乾條」，當中既煙燻味加上滿滿芝士味，帶黎嗅覺同味覺上既盛宴，等你一食就唔停口！

限定版神秘福袋

固力果仲推出左兩個限定版神秘福袋，等大家買好野食之餘，仲可以買到開心同驚喜！其中一個福袋就係「Glico x AEON 35 週年慶福袋」，只需要HK$35就可以獲得裹面既5件超人氣單品，限量10,000份，先到先得！而另一個福袋「Glico x YATA 神秘福袋」只係賣緊HK$52.9！當中既4件超人氣單品夠神秘，只係得1,000 份，手快有手慢冇！兩個福袋依家已經可以係全線AEON同一田超市搵到，賣完就冇，大家記得捉緊時間去搶購！