電競熱風頭強勁，打機唔再只係屈在網吧，月初台灣桃園中壢就開幕了一間以電競為主題的旅館 iHotel，號稱為亞洲第一家電競旅館，可以比住客日打夜打啊！旅館加入了華碩的ROG電競聯盟，更獲得NVIDIA第2高規格的金級認證。全館除咗使用專業級光纖網路，最大的特色點在於擁有一個6 vs 6的電競大廳，等用家面對面直接廝殺，後面更加有一個用來轉播的大屏幕。除咗配上電競椅及電競專用的機械鍵盤外，比賽區的ASUS電腦更特地用上頂級的GTX 1080 Ti顯示卡，包冇延遲！

除了公共空間外，全館有44間客房（包括標準雙人房、多人太空艙、宿舍風），即使房內亦有非常豪華的電競設備，包括ASUS電競電腦 (1060顯示卡)、電競滑鼠和鍵盤、DXRACER ZERO電競椅同32吋IPS電競電腦螢幕，啱晒同朋友內房內一齊打機，玩累了就可以觀看55吋4K電視。

收費方面，旅館以收費以小時計算，平日3小時為$580台幣( 約$150港元 )，而12小時則為$1480台幣 ( 約$380港元 ) 假日收費會再貴一點。