智能門鎖不是高科技產品，相信已有不少讀者家中都有用。最近就有讀者想試下平價版門鎖，其表示屋企有鐵閘已經夠安全，但想於大門安裝返個千零元的智能門鎖，除了內地小米外，問有冇其他大牌介紹！其實真有，市面平至 HK$1,473 已有三星智能門鎖買到，但千零元唔好係唔會幫你安裝！同時以這個價位是沒有指紋解鎖，型號為 Samsung 智能門鎖 SHP-DH537，市價最平 HK$1,473 有交易，內含原裝 Samsung 智能匙卡 2 張及後備匙 5 條，加送匙卡 5 張，支援 100 組密碼，總代理2年保養。對上的 Samsung 智能門鎖 SHP-DH538，貴少少市價在 HK$2,364 就有埋指紋解鎖，支援最多 100 指紋的設計。

有老一輩的朋友表示，智能門鎖好危險，俾人知道密碼好易入到屋，以指紋解鎖的時候又會話斬手指之類，其實想入你間屋唔洗咁麻煩，直接爆閘入去就可以！到時你 CALL 白車搵區議員都冇用。這款 Samsung SHP-DH537 備有觸控式密碼、感應貼/匙牌/卡，以及應急鎖匙等多種的開門方式，適合一家老少使用，長輩可用鎖匙或卡入門，就算唔記得帶卡或鎖匙，打個電話問下密碼亦可進入，當然如果鐵閘都鎖上，咁就自求多福！門鎖將在電池電量不足或需要更換時通知用戶，另外開鎖亦會提示音音量。

至於安全方面，設有鎖定安全把手鍵功能，當從室內打開門，用戶拉下把手時必須同時按下安全鍵才能開門，大大提高門鎖的防盜性能。另外亦有隨機防盜密碼，即要先按下隨機數字再按密碼，防止盜賊盜取指紋來開門。另外亦設有雙重驗證，用戶需輸入密碼和拍卡才可打開門鎖。而用戶可打開外出防盜模式，一旦設置了這種模式，當盜賊試圖從室內離開時，門鎖警報會立即響起。嘗試多次輸入密碼的後果，例如連續輸入 5 次錯誤密碼，門鎖會停止操作3分鐘，入侵者再試圖從門外強行打開門鎖，警報會即時啟動。

[the_ad_placement id=”ad5″]

文中產品：

Samsung 智能門鎖 SHP-DH537 HK$1,473

Samsung 智能門鎖 SHP-DH538 HK$2,364

非廣告請自行查詢

文中產品為格價網再平 HK$10 之預訂價

[the_ad_placement id=”ad5″]

[the_ad_placement id=”ad5″]