You are here
Home > 生活情報 > 香港情況 > 香港節日 > 【專欄】未睇《復仇者聯盟 4》前的小編防劇透小心得!

【專欄】未睇《復仇者聯盟 4》前的小編防劇透小心得!

PC3-award-2019

廣告


----------------------------

話說《復仇者聯盟 4:終局之戰》上映,全世界,包括小編身邊嘅朋友、同事、家人,都響度討論一班 Marvel 英雄如何籌備反擊。不過,並唔係每一個人會第一時間睇最早果場。於是,未睇電影嘅,都想盡方法逃避劇透。


廣告


----------------------------

廣告


----------------------------

利申,小編都係未睇《復仇者聯盟 4》電影嘅一員,對劇透呢啲事情,係真係會減少觀影意欲,無咁驚喜之餘,心情甚至可能會非常 Down。現今互聯網世代,資訊非常發達,電腦、手機、電視、甚至身邊所有朋友都有可能向你劇透《復仇者聯盟 4:終局之戰》相關劇情,避都避唔到。


廣告


----------------------------

對於小編嚟講,要防止被劇透,只需要注意兩點:1. 減少和選擇性資訊吸收、2. 盡快買飛睇。


廣告


----------------------------

唔好睇維基百科

就響《復仇者聯盟 4》上映後,小編發現有人已經將電影劇情全部寫入《復仇者聯盟 4:終局之戰》維基百科條目之中,建議大家未睇電影之前,千祈唔好睇維基百科。另外,唔少電影網站同討論區會有好多內含劇透嘅評論,熟真熟假難以辨別,甚至有新聞網站冒天下之大不韙,將劇情公開,因此與電影有關的網站可免則免。唯一可以睇的,可能係戲院官網……只係訂飛用。


廣告


----------------------------

重溫 Marvel 舊片

唔睇影評、唔睇維基,我地可以睇 Marvel 舊片,《復仇者聯盟 4:終局之戰》劇情連貫《復仇者聯盟 3:無限之戰》、《Marvel 隊長》等舊片,與其去驚被人劇透,倒不如睇 Marvel 舊片溫溫書更實際。

無時間?唔係藉口。不妨睇睇 Jimmy Fallon 響《The Tonight Show Starring Jimmy Fallon》分享嘅呢條兩分鐘影片,可以睇盡 Marvel 電影宇宙過去 21 部電影的角色和經典情節。


廣告


----------------------------



廣告


----------------------------

轉移話題視線

《復仇者聯盟 4》全世界都有得睇,就算離開香港旅行都唔會有用,就算你係宅男腐女,唔外出接觸其他人,你屋企人都可能同你講呢套電影。正面睇,人類係群體動物,你總會接觸到睇過同未睇過電影的人。如果你入場睇呢套戲之前有人同試圖同你劇透,儘可能轉移話題同視線,甚至用凌厲眼神對住佢,等佢知道劇透嘅嚴重後果。


廣告


----------------------------

請盡快買飛

OK,講咁多心得,你都擔心被劇透啦,還請盡快買飛睇。或者好多熱門場次戲飛一票難求,但如果唔介意坐銀幕前面座位,其實有唔少戲院有熱門時段選擇。另外,冷門時間例如平日下午仍然有好多位剩,如果真係有時間,不妨考慮。


廣告


----------------------------
Advertisements

廣告


----------------------------
PLAN
PLAN
曾是過去 PC3 雜誌記者,現時是 PC3 網站的編輯,渡過接近 10 年科技媒體生涯,至今依然為大家提供科技和生活資訊
Top