You are here
Home > 即時新聞 > 希特拉都買唔到飛? AEG Server全線冧檔

希特拉都買唔到飛? AEG Server全線冧檔

七月子華神「金盆o浪口」揀篤笑今日正式開賣!相信各位Fans到而家呢一刻都心急如焚,媽聲四起,天怒人怨,就連小妹我試足全日咁多個鐘都無次得,就算我九星連珠登入到,又如何~~~比希特拉翻生都一樣買唔到!

今次真係連希特拉都買唔到飛!!

試足七個鐘都登入唔到

香港人真係苦命,連買自己既心頭好都要咁多波折,其實買唔到演唱會票/球賽票都已經唔係新鮮事,但今次主辦單位就真係大失預算,好多網民都留言話AEG Server已經死晒,電話又唔通,各大論壇都嘈到拆天,甚至去子華神個FB Page發泄!小妹我試足全日都入唔到,嗚嗚,唔通想親眼睇子華神都咁困難?

基本上全日都只係出左呢句。
好彩少少就入到呢個畫面。

登入到,又~如~何~

大半個鐘頭前,小妹終於九星連珠登入到啦!!!本來滿心歡喜揀場次,仲想買多幾張比同事,點知,無論我揀邊一場,幾多張飛,咩價位,系統只係彈左一句:可提供的門票數量不足,請重新選擇。T__T


廣告


----------------------------
好彩登入到,系統都只係彈一句:可提供的門票數量不足,請重新選擇。

港人常用既Cityline都已經比人鬧得好勁,但都叫做有機會買到,而且登入到都可以買到心儀場次。今次搞既AEG?到而家個server都係Down左,登入到都無用,場場都話數量不足,又唔同人講邊場有得買,又無得揀位,可以話系統極度唔User Friendly!


廣告


----------------------------

梁家傑都呻買唔到飛

前立法會議員梁家傑都喺FB度大吐苦水,佢喺九點前已經乖乖地登入,但都係登入唔到,甚至見到黃牛黨已經喺九點前喺「黃牛網站」,見到$880飛炒到$1348,未開賣先炒起,究竟係咩玩法?

連梁家傑都喺FB大吐苦水,買唔到飛之餘,但見到黃牛黨已經喺公開發售前炒起左!

 

各界成日都強調引入更多科技,甚至將香港打造成智慧城市,但喺買賣交易系統上,似乎仍然係停滯不前。


廣告


----------------------------

小妹我其實都好忙,試左成日都唯有忍痛放棄。在此祝福各位讀者:祝君好運,成功買票。

 

留言

comments


廣告


----------------------------
Top